Aktualitet

Doli të mblidhte bimë medicinale që t’i shiste, zhduket prej 5 ditësh 18-vjeçari në Dibër, shoqërohej nga dy persona

I riu mendohet të ketë qenë duke mbledhur lule nga ana e Maqedonisë së Veriut në vendin e  quajtur "Përroi i thellë " afër Rekës së Epërme, Tanushë.
Featured image of article: Doli të mblidhte bimë medicinale që t’i shiste, zhduket prej 5 ditësh 18-vjeçari në Dibër, shoqërohej nga dy persona Ardian Pali, 18-vjeçari qe ka humbur ne Dibër.

DIBËR– I zhdukur prej 5 ditësh, një 18-vjeçar nga fshati Dypjakë i Dibrës, Ardian Pali ka humbur kontaktet me familjen e tij. Mësohet se i riu ishte ngjitur në malin e Korabit për të mbledhur bimë medicinale për t’i shitur  në mënyrë që të siguronte të ardhura ekonomike.

Por ai nuk është rikthyer në shtëpinë e tij prej 5 ditësh, duke shqetësuar familjarët. Familja e tij ka bërë denoncim në polici për zhdukjen e Ardian Palit, ndërkohë që edhe vet kanë nisur të kërkojnë për 18-vjeçarin. Ndërkohë mësohet se ai shoqërohej nga dy persona të tjerë në  mal.

Ardian Pali, 18-vjeçari qe ka humbur ne Dibër.

I riu mendohet të ketë qenë duke mbledhur lule nga ana e Maqedonisë së Veriut në vendin e  quajtur “Përroi i thellë ” afër Rekës së Epërme, Tanushë.

Për më shumë bëhu pjesë e grupit më viral në Facebook, Dosja.al
Harta e zones ku i riu ka mbledhur bimet.

Prandaj të  gjendur në këtë situatë familjarët kërkojnë ndihmën e autoriteteve për të kërkuar nga ajri, pasi terreni është shumë i madh dhe i vështirë.

A.C/Dosja.al

Shto Koment