Aktualitet

U fotografua me listë në dorë, Pipero sqaron fotot: Isha rastësisht, nuk di ç’ndodh tek Sanatoriumi por ne s’ua marrim celularin pacientëve…duhet rregulluar mënyra e komunikimit

Mjeku shtoi më tej se në spitale nuk mungon transparenca por organizuar më mirë komunikimin.
Featured image of article: U fotografua me listë në dorë, Pipero sqaron fotot: Isha rastësisht, nuk di ç’ndodh tek Sanatoriumi por ne s’ua marrim celularin pacientëve…duhet rregulluar mënyra e komunikimit Pëllumb Pipero, mjek

TIRANË– Mjeku Pëllumb Pipero ka sqaruar fotot që qarkulluan në rrjet, ku doli me listë në dorë përpara të afërmeve të pacientëve të shtruar. I ftuar në studion e “AbcNews”, Pipero u shpreh se ishte rastësisht aty dhe thekson se duhet një mënyrë më e organizuar komunikimi.

Mjeku shtoi më tej se në spitale nuk mungon transparenca por organizuar më mirë komunikimin.

Pjesë nga biseda në studio:

Endri Xhafo: Në një foto të publikuar nga Presidenti jeni ju?

Pëllumb Pipero: Unë nuk e kam parë foton, pashë që qarkullojnë në disa portale ishte rastësi por natyrisht ne e kemi detyrim ligjor dhe profesional të komunikojmë me qytetarët. Është detyra e jona, i spitalit të japë informacion familjarëve. U gjenda rastësisht dhe e shoh si obligim. Duhet formalizuar në dy fasha oraresh paradite dhe pasdite në mënyrë që familjarët të mos presin. Në zakonin tonë është grumbullimi para spitaleve jemi edhe të paduruar.

Endri Xhafo: Ka një mungesë transparence, u merret telefoni personave që shtrohen?

Për më shumë bëhu pjesë e grupit më viral në Facebook, Dosja.al

Pëllumb Pipero: U merret të gjithë pacientëve numri i telefonit. Për ata që janë të pandërgjegjshëm. Flas për numrin e telefonit të familjarëve dhe shënohet në kartelë.

Endri Xhafo: Po flas për celularin e pacientëve, ka zëra se në Sanatorium u merret pacientëve celulari.

Pëllumb Pipero: Jo te ne nuk u merret. Nuk u është ndaluar atyre që janë në gjendje të komunikojnë. Nuk e di çfarë ndodh te Sanatoriumi, tek ne nuk u merret celulari. Familjari ka komunikim të vazhdueshëm. Nuk mungon transparenca por duhet të organizojmë më mirë komunikimin. Nuk është shumë komode që të dalë Pipero aty, apo Çomo. Ishte një rastësi dhe besoj që kam bërë shumë mirë.

Vetëm pak ditë më parë, Presidenti Ilir Meta publikoi disa foto ku dukej qartë mjeku Pëllumb Pipero, i cili kishte dalë jashtë për të komunikuar me të gjithë të afërmit e të shtruarve, ndërkohë që ata qëndronin në distancë disa metra larg tij. 

(f.m.dosja.al)

Shto Koment