Jete & StilSociale

Dokumenti sekret i vitit 1968, si trajnonte CIA amerikane 4 shqiptarë në SHBA

Si krahu i armatosur i saj që CIA amerikane po përgatiste në kurse speciale desantimi për të zbarkuar në Shqipëri, ishin katër grupe (emrat e tyre nuk janë në raportin e drejtorisë së zbulimit), që kishin si komandantë të tyre: Pal Bibën, Marash Markun, Mark Deçkën dhe Nikoll Shkozën.
Featured image of article: Dokumenti sekret i vitit 1968, si trajnonte CIA amerikane 4 shqiptarë në SHBA
Përditësuar:

TIRANË – Publikohet i plotë një dokument arkivor me siglën “Tepër sekret”, i cili bën fjalë mbi një relacion të drejtorisë së zbulimit me jashtë, të sigurimit të shtetit, (e cila vepronte e kamufluar pranë ministrisë së punëve të jashtme në tiranë), e firmosur nga drejtori i saj, Jonuz Mersini, në adresë të ministrit të punëve të jashtme në tiranë, Behar Shtylla.

Dokumenti tregon qartë aktivitetin e shërbimeve sekrete të Shqipërisë, në proçesin e survejimit dhe kontrollit të plotë që ai shërbim me strukturat përkatëse të tij, do të vendoste mbi krerët kryesorë të emigracionit politik antikomunist shqiptar në SHBA, Australi dhe Europën Perëndimore.

Taktikat e survejimit siç ishte përdorimi i shantazhit, kërcënimeve, presionit dhe intrigave nga më të ndryshmet, rezulutan tejet efikase për drejtorinë e zbulimit, që ishte tentakula kryesore e sigurimit të shtetit.

Isuf Mullait (alias Cufe Mullai, me pseudonimin Dushku), u inflirtua deri në rradhët e oborrit mbretëror të Ahmet Zogut në Francë dhe Belgjikë.

Halit Bajrami, i cili ishte rezident i sigurimit të shtetit në Zelandën e Re, zbarkoi dhe përgatiti në një farë mënyre grackën për likuidimin e të ashtuquajturës, bandës së Xhevdet Mustafës.

Përçarja dhe grindjet e vazhdueshme politike ndërmjet krerëve “Ballit Kombëtar”, “Legalitetit”, “Bllokut Indipendent”, si dhe të organizatave të tjera të emigracionit politik shqiptar, të nxitura dhe shfrytëzuara mjeshtërisht nga sigurimi i Shtetit, do të ndikonin jashtëzakonisht në dobësimin dhe pothuajse në zhdukjen e çdo lloj forme konkrete dhe serioze të një opozite reale, qoftë kjo edhe jashtë kufijve të Shqipërisë ndaj sistemit komunist të Enver Hoxhës.

Aktiviteti më i madh ishte i mërgatës politike shqiptare në SHBA, e cila kishte mbështetjen dhe financimin e CIA-s amerikane.

Ndër më kryesorët e kësaj mërgate në aktivitetin politik, ishin: Leka Zogu, Abaz Kupi, Abaz Ermeni, Luan Gashi, Selim Damani, Eduard Liçaj, Asim Jakova, Shefki Miraka, Agim Karagjozi.

Ndërsa si krahu i armatosur i saj që CIA amerikane po përgatiste në kurse speciale desantimi për të zbarkuar në Shqipëri, ishin katër grupe (emrat e tyre nuk janë në raportin e drejtorisë së zbulimit), që kishin si komandantë të tyre: Pal Bibën, Marash Markun, Mark Deçkën dhe Nikoll Shkozën.

Burimi:Voal.ch

E.C/Dosja.al

Shto Koment