Aktualitet

“Do vrasin njerëz, kanë bllokuar edhe hyrjen e godinës”/ Qytetari denoncon për pallatin që po ndërtohet tek ish-Lion Park: Pas “Justi-t” nga Fieri fshihen oligarkët

FOTO
Qytetari denoncon se pallati tek ish-Lion Park po ndërtohet pa leje të rregull dhe se punimet kanë dëmtuar pallatin ngjitur me të. Kompania që po ndërton këtë pallat është ‘Lion construction shpk’, e cila ka si pronar Bardhjus Bushaj ose siç njihet ndryshe ‘Justi’ nga Fieri.
Featured image of article: “Do vrasin njerëz, kanë bllokuar edhe hyrjen e godinës”/ Qytetari denoncon për pallatin që po ndërtohet tek ish-Lion Park: Pas “Justi-t” nga Fieri fshihen oligarkët Foto nga vendi ku po ndërtohet pallati

TIRANË- Bardhjus Bushaj ose siç njihet ndryshe ‘Justi’ nga Fieri është pronari i ‘Lion construction shpk’, firmë e cila po ndërton një pallat në zonën e parkut të Liqenit të Tiranë. Një qytetar denoncon për JOQ se pallati po ndërtohet pa leje të rregullt është tek tek ish-Lion Park. Ndërkohë punimet i kanë shkaktuar dëme edhe pallatit ekzistues, që ndodhet ngjitur me të. Në denoncim theksohet se gjatë punimeve nuk po respektohen rregullat tenkike dhe kjo mund të shkaktojë edhe viktima.

Sakaq, kohët e fundit në media ka qarkulluar informacioni se 38-vjeçari është një ish-shofer që po “gllabëron” një pjesë të Parkut të Liqenit dhe se pas tij qëndrojnë oligarkët.

Denoncimi tek JOQ:

E keni menduar se të qenurit shofer mund t’ju bëjë një ditë pronar të një kompanie ndërtimi?! Madje edhe më tëpër. Të arrish të zaptosh një tokë publike e të nisësh e të ngresh mbi të gradaçela… këtë arritje Bardhjus Bushaj nuk e kishte menduar as në ëndrrat e tij më të bukura.

Për më shumë bëhu pjesë e grupit më viral në Facebook, Dosja.al

Një çunak nga Fieri i cili përdorej nga lloj e soj njerëzish, sot është pronar me 100% të vlerës në një kompani ndërtimi. Ajo pak mushkëri e gjelbërt që i ka mbetur Tiranës, një copëz pjesë do e gllabërojë pikërisht ai ish-shoferi nga Fieri që një ditë u zgjua si princ. Por çiraku mbetet çirak… thotë një shprehje, pasi pas ‘Justit’ nga Fieri fshihen oligarkët e vërtetë të vendit të cilët kamuflohen nën hijen e atyre që u kanë fshirë këpucët gjithë jetën.

Pak kohë më parë JOQ ka shkruar për rastin në fjalë. Por pa u shqetësuar për pronën ku do të ndërtohet. Pa u shqetësuar se çfarë dhe kush preket nga ai ndërtim. Madje pa u shqetësuar edhe për dëmet ekologjike, tek ish-Lion Park ka nisur hedhja e themeleve të gangrenës së betonit. Së fundmi pranë redaksisë së JOQ ka mbërritur një mesazh ku ngrihet shqetësimi se me tokën në fjalë po bëhen abuzime të mëdha, por mbi të gjitha edhe ndaj banorëve.

Qytetari thotë se përveç hapësirës publike, çunaku i Fierit po u rrëmben edhe lirinë e daljes. Skelat e vendosura nga kompania e tij kanë bllokuar hyrje-daljet e pallatit duke i detyruar banorët të karantinohen sërish, derisa të ngrihet gradaçela e grupit të oligarkëve. Qytetari shkruan: Tek ish-Lion Park po ndërtohet një pallat me tokë pa leje dhe jo të rregullt, dhe ndërkohë i është zënë hyrja dhe i janë shkaktuar dëmë pallatit egzistues ngjitur me Lion Park. I është zënë hyrja banoreve dhe nuk mund të dalin. Plus dëmeve të shkaktuara në pallat. Shiko afërsinë me objektin. Do vrasin njerëz.

Bardhjus Bushaj dhe vendi ku po ndërtohet pallati

J.V/Dosja.al

Shto Koment