Politike

“Do të ishte mëkat shembja”, Forumi për Mbrojtjen e Trashëgimisë Kulturore “ngul këmbë” në restaurimin e Teatrit, jep shembullin nga Portugalia

Forumi për Mbrojtjen e Trashëgimisë Kulturore, thekson edhe njëherë se Teatri mund të restaurohet me sukses, duke e quajtur sfidë profesionale një gjë të tillë.
Featured image of article: “Do të ishte mëkat shembja”, Forumi për Mbrojtjen e Trashëgimisë Kulturore “ngul këmbë” në restaurimin e Teatrit, jep shembullin nga Portugalia Teatri Kombëtar dhe kino-teatri në Portugali

TIRANË -Forumi për Mbrojtjen e Trashëgimisë Kulturore ka reaguar në lidhje me debatin për shembjen e Teatrit Kombëtar. Në postimin e Forumit për Mbrojtjen e Trashëgimisë Kulturore në Facebook, thekson edhe njëherë se Teatri mund të restaurohet me sukses, duke e quajtur sfidë profesionale një gjë të tillë. Më tej në postim thuhet se kjo godinë formulon një hapësirë urbane me zhvillim hapësinor-planimetrik pa krahasim me asnjë vend tjetër.  Forumi e quan mëkat shembjen e Teatrit, ndërsa jep edhe një shembullin e transformimit të një kino-teatri në Portugali.

Kino-teatri në Portugali

Postimi i plotë

Teatri, ne gjendjen e degraduar qe ndodhet sot, ngjall shume mosbesim nese mund te restaurohet funksionalisht dhe estetikisht; e nese do arrije te qendroje – me gjuhen e tij arkitekturore e volumore – ne sheshin me shije te forte renesanse qe ka patalogu perpara tij. E kemi thene dhe e themi me bindje qe PO mund te restaurohet me sukses.Teatri, nje veper e arkitektit Berté, eshte nje ndertese stilistikisht unikale (per Shqiperine) dhe godine e rralle tashme ne nivel Europian, nje veper qe i perket repertorit te “racionalizmit monumental”, sic shprehet Gresleri, dhe qe per si eshte krijuar, formulon nje hapesire urbane me zhvillimin hapesinor-planimetrik pa krahasim me asnje tjeter ne vend. Restaurimi dhe rivleresimi i tij eshte vertete nje sfide profesionale por me sukses te garantuar ne pikepamje te estetikes se imazhit dhe teknologjise se funksionit. Po japim ketu vec nje shembull te menyres se rivleresimit te nje kino-teatri me stil te tille te viteve ‘30 ne Lisbone (Portugali), si deshmi se cfare humbet Tirana me shembjen e Teatrit te vjeter… do te ishte nje mekat zhdukja, nga ato qe nuk harrohen me. Nga ana tjeter, Teatri i Bjarkes, persa eshte estetik ne vetvete, e ben konfuz atmosferen e sheshit (qe sot ka shije te Renesanses Europiane) pasi ligjeron me leksik te ndryshem arkitekturor e, per me teper, me sintakse coroditese qofte ndaj plastikes klasike te ministrive, qofte ndaj volumetrise po aq klasike te Teatrit. Ta restaurojme Teatrin Kombetar me inovacionet qe ofron epoka jone, ta shnderrojme ate ne nje “kuartier lumiere”, dhe do shohim se qendra e Tiranes do fitoje nje “bizhuteri” qe frymezon kulture dhe art urban.

Për më shumë bëhu pjesë e grupit më viral në Facebook, Dosja.al
Kino-teatri në Portugali

Bashkia e Tiranës mori disa ditë më parë në fshehtësi vendimin për shembjen e godinës së Teatrit Kombëtar. Vendimi u firmos nga kryetari i Këshillit Bashkiak, Toni Gogu. Pas vendimit, në sheshin e Teatrit Kombëtar ka nisur protesta e artistëve, ku atyre iu është bashkuar edhe kreu i PD, Lulzim Basha. Artistët ndërkohë kanë paditur në Prokurorinë e Tiranës 3 inxhinierët që firmosën akt ekspertimin për shembjen e godinës. Mbrëmjen e djeshme artistët, aktivistë dhe qytetarë që janë kundër shembjes së Teatrit Kombëtar kaluan natën para godinës.

(g.sh./dosja.al)

 

Shto Koment