Politike

“Do më falni për emocionet”, qytetari dridhet para Ramës: Më zgjidhi hallin, të jesh përballë këtij burri… (VD)

Rama u ka bërë thirrje qytetarëve që për çdo problem që do kenë të drejtohen tek platforma dhe do marrin zgjidhje për 10 ditë.

TIRANË- Kryeminsitri Edi Rama ka vijuar dhe sot me takimin e përjavshëm të bashkëqeverisjes me popullin për platformën e Shqipëriaqëduam.al. Rama u ka bërë thirrje qytetarëve që për çdo problem që do kenë të drejtohen tek platforma dhe do marrin zgjidhje për 10 ditë.

Një prej qytetarëve që zgjodhi të shkruante në këtë platformë dhe kishte marrë zgjidhje, u shpreh sot shumë i emocioinuar para Edi Ramës. “Do më falni për emocionet, po të jesh përballë këtij burri nuk mund ti shmangësh emocionet”, tha qytetari.

Ai tregoi se shqetësimi i tij që lidhej me një biznes që kishte hapur një gropë poshtë pallatit ku ai banonte dhe atje kishte depozituar gaz. “Një biznes hapi një gropë poshtë pallatit dhe groposi një depozitë gazi, menjëherë kontaktova me zyrën e bashkëqeverisjes dhe problem ynë mori zgjidhje”, tha më tej qytetari.

Rama që ishte aty pranë tij tha se qytetari ka bërë gjënë e duhur dhe të gjithë duhet të ndjekin shembullin e tij.

(A.B. Dosja.al)

Shto Koment