Aktualitet

“Do kthehem të vazhdojmë betejën”, Skënder Brataj emocionohet pas mesazheve dhe zbulon kurën e padukshme: Lot dhe ngashërim pas ndjenjës humane

Në një status në profilin e tij në Facebook, Brataj shkruan se ka derdhur lot dhe është ngashëryer kur ka lexuar mesazhe të pafudme që i kanë ardhur në telefonin e tij, teksa i urojnë shërim të shpejtë. Këtë gjë, Brataj e konsideron një kurë të padukshme, por që sipas tij, funksionon.
Featured image of article: “Do kthehem të vazhdojmë betejën”, Skënder Brataj emocionohet pas mesazheve dhe zbulon kurën e padukshme: Lot dhe ngashërim pas ndjenjës humane Skënder Brataj
Përditësuar:

TIRANË– Drejtori i Urgjëncës Kombëtare Skënder Brataj që aktualisht po kurohet nga Covid-19 është emocionuar nga mesazhet që ka marrë dhe shkruan se ky pozitivitet e ka inkurajuar jashtë mase. Në një status në profilin e tij në Facebook, Brataj shkruan se ka derdhur lot dhe është ngashëryer kur ka lexuar mesazhe të pafudme që i kanë ardhur në telefonin e tij, teksa i urojnë shërim të shpejtë. Këtë gjë, Brataj e konsideron një kurë të padukshme, por që sipas tij, funksionon.

“Përshëndetje! Mesazhet tuaja qenkan jo vetëm kurajo, por medikamenti më i mirë i kësaj terapie kundër koronavirusit Sars Cov2, që shkakton sëmundjen e COVID-19. Nuk e them për t’ju falenderuar më shumë nga ç’duhet, nuk e them për tu dukur më i rëndësishëm, nuk e them për publicitet, nuk e them per të marre sa më shumë share…Jo! Për asnjë nga këto arsye! Si gjithmonë, i drejtpërdrejtë me ju, këtë e ndjej ta them, e ndjej ta shpreh, e ndjej ta ndaj me ju qindra e mijëra persona që i shoh për herë të parë në profilin tim, e ndjej ta ndaj me pacjentë, miq, shokë, mjekë, infermierë, shoferë, sanitarë, kolegë, profesionistë, bashkëpunëtorë, politikanë, gazetarë, media dhe njerëz të thjeshtë, që nuk pushuat dhe vazhdoni të shkruani e të më uroni shërim të shpejtë.Nuk është aspak e thjeshtë për askënd të marë lajmin se është i infektuar nga coronavirusi; nuk është aspak lajm i mirë kur ke të gjitha shenjat dhe simptomat e sëmundjes, kësaj sëmundje tinzare dhe jo plotësisht të njohur; nuk është aspak e këndshme që familiarët dhe bashkëpunëtorët e tu të njoftohen nga mediat!Ju garantoj se kura më e mirë është POZIVITETI JUAJ pa fund, pa masë, pa ndërprerje, pa limit, pa dallim, pa kufij, nga çdo qytet, fshat, apo shtet, që çdo ditë të jep energji, të jep kurajo, të jep emocion, të jep dashuri humane pa fund, aq sa shumë herë të derdhësh lot, po lot me ngashërim, lot që pushojnë vetëm kur heq sytë nga ato mesazhe, sms, apo hartime tuajat të shkruajtura me fjalë zemre, me dashuri nëne, shoku, kolegu, me ndjenjë humane. Unë tani kam pak kollë dhe shenja më të lehta të semundjes. Jam më mirë, edhe falë këtij poziviteti të vazhdueshëm që ju më dhuroni.Shpresoj të kthehem sa më shpejt……UNË DO TË KTHEHEM që të vazhdojmë këtë betejë të ashpër së bashku, për t’ju shprehur edhe njëherë, SHUMË, SHUMË, SHUMË, SHUMË MIRËNJOHJE ! FALNDERIMI PËR JU ËSHTË SHUMË PAK!Dr. Skender Brataj,“- shkruan Brataj.

Para dy ditësh është konfirmuar infektimi me koronavirus i shefit të Urgjencës Kombëtare, Skënder Brataj, një nga zyrtarët më të lartë të sistemit shëndetësor në Shqipëri. Burime të rezervuara, i konfirmuan Dosja.al se të gjithë infermierët dhe mjekët që kanë punuar me Bratajn janë vetë-karantinuar ndërsa disa prej tyre kanë kryer edhe analizën për të parë nëse janë infektuar nga COVID-19.

Për më shumë bëhu pjesë e grupit më viral në Facebook, Dosja.al

Ndërkohë, numri i personave të infektuar në Shqipëri me Covid-19 është 174, mes tyre 4 fëmijë dhe 6 viktima. 17 nga të prekurit janë shëruar, harta e infektimit është zgjeruar. Tropoja i bashkohet listës me 2 të infektuar, ndërsa epiqendra është në Tiranë me 102 të infektuar. 12 mjekë dhe infermierë janë prekur, ndërkohë që Spitali Infektiv, COVID1 po mbush kapacitetet me 73 shtretër. Qytetarët duhet të qëndrojnë brenda.

(F.M/DOSJA.AL)

Shto Koment