Aktualitet

Do kalonin 12 afganë në Mal të Zi kundrejt pagesës, bien në pranga 3 taksistët në Shkodër (Emrat)

Arrestohen 3 shoferë nga Shkodra. Do kalonin drejt Malit të Zi 12 afganë kundrejt pagesës.
Featured image of article: Do kalonin 12 afganë në Mal të Zi kundrejt pagesës, bien në pranga 3 taksistët në Shkodër (Emrat) Foto ilustruese

SHKODËR- Tre taksistë u arrestuan nga policia mëngjesin e sotëm, pasi tentuan të kalonin drejt Malit të Zi 12 shtetas afaganë.

Të arrestuarit janë: Arben Koshi, Gëzim Molla dhe Idaet Buqa, të cilët do kalonin drejt Malit të Zi 12 afganë kundrejt pagesës.

Arrestimi i tre taksistëve u bë në aksin rrugor Lezhë-Shkodër.

Njoftimi i policisë: 

Shkodër

Parandalohet dhe goditet një tjetër tentativë për dhënie ndihmë për kalim të paligjshëm të kufirit kundrejt fitimit.

Finalizohet operacioni policor i koduar “TAKSISTI”

Operacioni strukturat e Drejtorisë Vendore të Policisë Shkodër

Arrestohen në flagrancë tre persona për dhënie ndihmë të kalimit të paligjshëm të kufirit, të cilët transportonin 12 shtetas nga Afganistani

Nga strukturat e Drejtorisë Vendore të Policisë Shkodër, në vijim të operacioneve të njëpasnjëshme të zhvilluara për parandalimin dhe goditjen e tentativës për Dhënie ndihmë për kalim të paligjshëm të kufirit, bazuar dhe në informacionet e marra në rrugë operative se tre taksitë po transportonin disa shtetas afganë, pas një pune të mirëorganizuar finalizuan operacionin e koduar “TAKSISTI”, si rezultat i të cilit u bë arrestimi në flagrancë i shtetasve:
A. K. 54 vjeç, banues në fshatin Listanaj, Peqin.
G. M. 43 vjeç, banues në fshatin Paskuqan, Tiranë,
I. B. 53 vjeç, banues në lagjen Nr.6 Tiranë,

Arrestimi i tyre u bë pasi në rrugën nacionale Lezhë – Shkodër, në fshatin Melgushë, Vau Dejës, në afërsi të një karburanti, u kapën duke transportuar me tre automjete Taxi, 12 shtetas me shtetësi Afgane, të cilët kishin destinacion Malin e Zi, e më pas vendet e BE.

Materialet iu referuan Prokurorisë pranë Gjykatës së Shkallës së Parë Shkodër, për veprën penale ‘’Dhënie ndihmë për kalim të paligjshëm të kufirit, e kryer në bashkëpunim”.

(a.m/dosja.al)

Shto Koment