Aktualitet

Mandatet/ Këshilli Kombëtar i PD merr vendimin unanim për djegien e tyre

  • Basha s’heq dorë nga protesta: Kuvendi do t’i kthehet shqiptarëve
  • OSBE: Po minoni procesin demokratik
  • Zv.kryeministri Braçe: Ua dimë hallin, por s’i ndihmon dot kush
  • Këshilli Kombëtar i Partisë Demokratike, ka vendosur në mënyrë unanime për djegien e mandateve të deputetit.
    Featured image of article: Mandatet/ Këshilli Kombëtar i PD merr vendimin unanim për djegien e tyre
    Përditësuar:

    Tiranë- Partia Demokratike ka mbledhur mbrëmjen e sotme Këshillin Kombëtar, ku është marrë  vendimi përfundimtar për djegien e mandateve. (Lexo këtu)

    Ndërsa në ambientet e brendshme të “Selisë blu” po zhvillohej mbledhja e Këshillit Kombëtar, jashtë saj janë grumbulluar dhjetëra simpatizantë të Partisë Demokratike.

    Në një dalje për mediet, kryedemokrati dhe njëherësh lideri i Opozitës, Lulzim Basha, u shpreh se Këshilli Kombëtar vendosi djegien e mandateve me efekt të menjëhershëm, vendim që vjen në përvjetorin e 20 shkurtit të 1991, kur u rrëzua busti i diktatorit Enver Hoxha. (Lexo këtu)

    “Këshilli Kombëtar vendosi djegien e mandateve me efekt të menjëhershëm. Në këtë 20 shkurt ku viti 2019, 28 vite pas rrëzimit të simbolit të diktaturës më të egër që ka përjetuar Europa, Shqiptarët do kenë përkrah PD-në. Njerëzit tanë do të jenë në krahë të qytetarëve si qytetarë të thjeshtë për të vendosur se kurrë më në Shqipëri të mos vendoset një regjim tjetër diktatoriale. Kurrë më të drejtat e njeriut të mos shkelen siç kanë ndodhur këto 5 vite, që vendit ti rikthehen zgjedhjet e lria e të ndershme.
    Ne hedhim këtë hap pasi kemi shteruar çdo mundësi tjetër, për t’i kthyer legjitimitetin institucioneve.
    Pas urdhrit të sovranit, i cili ushtoi fuqishëm në protestën më të madhe të 16 shkurtit ne nuk kemi asnjë rrugë tjetër dhe zgjedhim ti’ bindemi urdhrit të sovranit. Sovrani është populli, jeni ju. Përmes këtij vendimi të vështirë dhe të paprecedentë ne synojmë të çojmë deri në fund betejën tonë për vlerat europiane”, – tha Basha, ndërsa i ftoi qytetarët për protestën e nesërme para Kuvendit.

    Për më shumë bëhu pjesë e grupit më viral në Facebook, Dosja.al

    Këshilli Kombëtar u mblodh, pas vendimit të grupit parlamentar të PD për të djegur mandatete e deputetëve, pasi sipas Opozitës, kjo është zgjidhja e vetme për të rikthyer ligjshmërinë në zgjedhje duke formuar një qeveri tranzitore që do të bëjë përgatitjet për zgjedhje të parakohshme.

    Nga ana tjetër ndërkombëtarët kanë kërkuar nga deputetët e Opozitës që të tërhiqen nga ky vendim. (Lexo këtu)Sipas tyre ky është një sabotim i progresit të bërë deri më tani nga Shqipëria, drejt integrimit në Bashkimin Europian. Pas vendimit të opozitës së bashkuar, një reagim ka ardhur edhe nga qeveria. Zv.kryeministri Braçe shkuante se diktatorët e dikurshëm, tanimë po luajnë rolin e viktimave. (Lexo këtu)

    (B.B/ Dosja.al)

    Shto Koment