Politike

“Djegia e Kuvendit”, Bardhi: Meta ka shumë informacione, ç’pritet të ndodhë në ditët në vijim

  • Meta në KH: Kisha dijeni se në 8 qershor do digjej Kuvendi. Palët s’i ula dot në dialog
  • Ai shtoi më tej se Presidenti ka shumë informacion dhe se do të zbardhen në ditët në vijim.
    Featured image of article: “Djegia e Kuvendit”, Bardhi: Meta ka shumë informacione, ç’pritet të ndodhë në ditët në vijim Gazment Bardhi dhe Ilir Meta

    TIRANË– Sekretari i Përgjithshëm i Partisë Demokratike, Gazment Bardhi ka komentuar deklaratën e Presidentit Ilir Meta se kishte informacion që më datë 8 qershor do të digjej Kuvendi.

    I ftuar në studion e lajmeve në RTV Ora, Bardhi tha se opozita nuk ka patur asnjëherë  qëllim që të dhunojë apo djegë institucionet.

    Ai shtoi më tej se Presidenti ka shumë informacion dhe se do të zbardhen në ditët në vijim.

    Ajo që garantoj unë në emër të PD është që nuk ka patur kurrë dhe nuk do të ketë kurrë asnjë jo përgatitje, por tentativë apo mendim për të djegur apo dhunuar institucione, përfshirë edhe Kuvendin.

    Përsa kohë unë nuk do të jetë lënduar një individ i vetëm nga opozita tregon që mund të ketë pasur episode që e kanë kaluar natyrën e një protestë normale, por në asnjë rast nuk ka pasur dhunë të organizuar nga opozita. Prandaj dhe deklaratën e Presidentit nuk e kemi marrë si akuzë ndaj PD. Presidenti ka më shumë informacion  dhe kjo do të zbardhet në ditën në vijim,”- u shpreh Gazment Bardhi.

    Presidenti Ilir Meta ka dhënë llogari sot për mbi 2 orë në Komisionin Hetimor në Kryesinë e Kuvendit. Meta arsyetoi se i anuloi zgjedhjet pasi kishte informacione se Kuvendi do të digjej më 8 qershor.

    (f.m/dosja.al)

    Shto Koment