Politike

Djali i ish-gjyqtarit FAMOZ Petrit Çeno hyn “kontrabandë” në listë, PD në Tiranë e Durrës mbesin pa fjalë… Asnjë reagim për denoncimin

Dosja.al kontaktoi me zyrën e shtypit të PD-së dhe me kreun e demokratëve për Durrësin, Ferdinant Xhaferrin por nuk mori asnjë përgjigje nga të dyja palët.
Featured image of article: Djali i ish-gjyqtarit FAMOZ Petrit Çeno hyn “kontrabandë” në listë, PD në Tiranë e Durrës mbesin pa fjalë… Asnjë reagim për denoncimin Enri Çeno

DURRËS- Partia Demokratike para zgjedhjeve parlamentare të 25 prillit ka nisur “spastrimin” e brendshëm. Që prej muajit gusht, demokratët i janë nënshtruar një procesi me disa halka për zgjedhjen e kandidatëve për deputetë në zgjedhjet e prillit. Anëtarësia propozon emrat e kandidatëve për deputetë, komisioni bën vlerësimin dhe tanimë sërish degët votojnë emrat që kanë kaluar fazat e mëparshme. Dje ishte radha e qytetit të Durrësit për të votuar, por ndodhi një “incident”. Nga 27 kandidatë për të cilët njoftoi dje zyrtarisht dega e Partisë Demokratike në këtë qark, numri pas votimit doli 28.

Dosja.al, e cila vëzhgoi me detaje procesin vuri re që emri i shtuar ishte ai i Enri Çenos, djali i ish-gjyqtarit të Apelit Durrës, Petrit Çeno, i njohur gjerësisht për disa çështje, përfshirë edhe skandalin e biletave të Real Madrid-Barcelona, ku bashkë me dy gjyqtarë të tjerë do të shkonte për të parë ndeshjen me paratë e biznesmenit, Namik Sadiku.

I biri, i njohur për jetën luksoze, pushimet në Majami dhe Montecarlo, e ka për herë të dytë garimin për deputet i këtij qarku. Herën e parë, në 2017, ai nuk ia doli, ndërsa kësaj here ai hyn “kontrabandë” në një listë, ku vetë PD-ja Durrës e mbajti jashtë, e sot emri mbiu nga diku…

Për më shumë bëhu pjesë e grupit më viral në Facebook, Dosja.al

Dje Dosja.al ngriti disa pyetje: A bëhet fjalë për një gabim të degës së Partisë Demokratike Durrës, apo telefonatat e minutës së fundit kanë dhënë efekt rrufe, duke shtuar emra? Por edhe në këtë rast, mister është fakti se kush e votoi Çenon, kur emri as nuk ishte në listë? Si doli ky emër pas përfundimit të procesit? Dhe më shumë se 24 orë pas publikimit të lajmit, prisnim një reagim dhe një sqarim nga demokratët. Duke marrë parasysh se sqarimi nuk erdhi kurrë, sërish tentuam të sqaronim ndodhinë. Dosja.al kontaktoi me zyrën e shtypit të PD-së dhe me kreun e demokratëve për Durrësin, Ferdinant Xhaferrin por nuk mori asnjë përgjigje nga të dyja palët.

(k.m/dosja.al)

Shto Koment