Rajoni

Djali i Aleksandër Vuçiç infektohet me Covid-19, Presidenti: Danilo, babi të do, për ty dorëzimi nuk është një mundësi

Tashmë Danilo është dërguar në Infektivin e Beogradit.
Featured image of article: Djali i Aleksandër Vuçiç infektohet me Covid-19, Presidenti: Danilo, babi të do, për ty dorëzimi nuk është një mundësi Aleksandar Vuçiç dhe djali i tij

SERBI– Danilo Vuçiç, djali i Presidentit të Serbisë, Aleksandar Vuçiç ka rezultuar pozitiv ndaj analizës për Covid-19. Lajmin e ka konfirmuar vetë Vuçiç, nëpërmjet një statusi në profilin e tij në Instagram. ndër të tjera, prësidenti i Serbisë i shpreh dashurinë të birit, teksa shkruan se për Danilon, dorëzimi nuk është një mundësi.

Kur filloi gjithçka, Danilo im më tha se dorëzimi nuk ishte një mundësi. Biri im është infektuar me koronavirus dhe gjendja e tij klinike është e tillë që ai u pranua në Klinikën e Sëmundjeve Infektive. Bir, do fitosh. Babi të do, të gjithë të duam!”– ka shkruar Vuçiç.

Tashmë Danilo është dërguar në Infektivin e Beogradit. Deri më tani në Serbi janë raportuar gjithsej 2200 të infektuar me Covid-19, ndërkohë që kanë humbur jetën 58 persona.

Ndërkohë mësohet se 178 pacientë kanë fituar betejën me sëmundjen vdekjeprurëse, por fatkeqësht 100 të tjerë janë në gjendje kritike për jetën.

(f.m/dosja.al)

Shto Koment