Sport

“Ditë e paharrueshme”! Legjenda Pele, pas vaksinimit, apelon për të vazhduar betejën anti-Covid-19

Pele: “Kur të dilni jashtë mos harroni maskën tuaj dhe ruani distancën sociale. Kjo do të kalojë nëse mendojmë për të tjerët dhe ndihmojmë njëri-tjetrin”
Featured image of article: “Ditë e paharrueshme”! Legjenda Pele, pas vaksinimit, apelon për të vazhduar betejën anti-Covid-19
Përditësuar:

BRAZIL – Legjenda e futbollit botëror, braziliani Pele, i cili e ka kaluar kufirin e moshës 80-vjeçare, mësohet se e ka bërë vaksinën anti-Covid-19. Lajmin e bën të ditur vetë “mbreti” i futbollit, nëpërmjet një postimi në llogarinë e tij personale në Instagram.

“Sot është një ditë e paharrueshme, kam marrë vaksinën. Pandemia nuk ka mbaruar akoma. Ne duhet të mbajmë disiplinë për të ruajtur jetën, derisa shumë njerëz të kenë marrë vaksinën.

Ju lutem vazhdoni të lani duart dhe të qëndroni në shtëpi nëse është e mundur. Kur të dilni jashtë mos harroni maskën tuaj dhe ruani distancën sociale. Kjo do të kalojë nëse mendojmë për të tjerët dhe ndihmojmë njëri-tjetrin”.

Për më shumë bëhu pjesë e grupit më viral në Facebook, Dosja.al

Kështu shkruan legjenda e futbollit Pele, i cili nuk harron të apelojë për të larë duart, mbajtur maskën dhe ruajtur distancimin fizik, si masa të domosdoshme për të fituar luftën me virusin Covid-19, në këtë kohë pandemie.

B.T (Dosja.al)

Shto Koment