Politike

Dita Ndërkombëtare e Demokracisë/ Presidenti Meta thirrje popullit: Ka ardhur koha të zgjohemi dhe të sjellim ndryshimin

Presidenti ii Republikës Ilir Meta, me anë të një statusi në “Facebook” ka kujtuar Ditën Ndërkombëtare të Demokracisë. Meta thekson se zgjidhja është përballja dhe ndryshimi i situatës në vend.
Featured image of article: Dita Ndërkombëtare e Demokracisë/ Presidenti Meta thirrje popullit: Ka ardhur koha të zgjohemi dhe të sjellim ndryshimin Ilir Meta, president

TIRANË- Presidenti Ilir Meta në ditën Ndërkombëtare të Demokracisë shprehet se tashmë ka ardhur koha që populli të zgjohet, të reagojë dhe të sjellë ndryshimin. Nëpërmjet një postimi në Facebook, Meta shprehet se tani është koha për të mbrojtur demokracinë e vendit.

Reagimi i plotë:

Në vitin 1863, Abraham Lincoln e përkufizoi Demokracinë si: “Qeverisje e popullit, nga populli, për popullin”. Një shekull e gjysmë nga kjo deklaratë dhe tridhjetë vite nga rënia e sistemit më të egër komunist të kontinentit, pyetja që shtrojmë sot në Ditën Ndërkombëtare të Demokracisë është: Çfarë lloj regjimi është vendosur sot në Shqipëri? A është kjo forma më e lartë e demokracisë dhe a i kanë përmbushur shqiptarët plotësisht aspiratat e tyre demokratike dhe europiane? A është kjo “Demokraci” një qeverisje e popullit, që buron nga populli, që i shërben popullit dhe që e meriton populli? Të fundit në rajon para dyerve të BE-së dhe me rreth 500 mijë shqiptarë të larguar vetëm në vitet e fundit, është përgjigjia e dhimbshme!

Për më shumë bëhu pjesë e grupit më viral në Facebook, Dosja.al

Ndërsa ky regjimi i tanishëm po refuzohet nga qytetarët si caku i fundit i demokracisë me braktisje masive të Atdheut, zgjidhja nuk duhet të jetë më largimi, por vetëm ZGJIMI, BASHKIMI, REAGIMI, PËRBALLJA dhe NDRYSHIMI! Në fjalimin e marrjes së Nobelit për Paqe, i mbijetuari i Holokaustit, shkrimtari i jashtëzakonshëm Elie Wiesel i la njerëzimit një mësim të vyer: “Jam betuar që kurrë nuk do të hesht ndaj vuajtjeve dhe poshtërimeve që përjeton një qenie njerëzore. Ne gjithmonë duhet të marrim anë. Neutraliteti ndihmon shtypësin, kurrë viktimën. Heshtja inkurajon torturuesin, asnjëherë të torturuarin. E kundërta e dashurisë nuk është urrejtja, është indiferenca”.KOHA PËR TË MBROJTUR DEMOKRACINË ËSHTË TANI!

J.V/Dosja.al

Shto Koment