Politike

Dita e Paqes, Bushati citon Papa Françeskun: Ku ka rini, ka shpresë

Përmes një postimi në Facebook, Bushati thotë se: “Pesë vite më parë Papa Francesku zgjodhi Shqipërinë, si vendin e parë në Europë për ta vizituar”.
Featured image of article: Dita e Paqes, Bushati citon Papa Françeskun: Ku ka rini, ka shpresë Ditmir Bushati

TIRANË-Ish-ministri i punëve të Jashtme, Ditmir Bushati ka komentuar Ditën Ndërkombëtare të Paqes, duke cituar fjalët e Papa Françeskut.

Përmes një postimi në Facebook, Bushati thotë se: “Pesë vite më parë Papa Francesku zgjodhi Shqipërinë, si vendin e parë në Europë për ta vizituar”.

Postimi i plotë i Ditmir Bushatit:

Pesë vite më parë Papa Francesku zgjodhi Shqipërinë, si vendin e parë në Europë për ta vizituar. Në Ditën Ndërkombëtare të Paqes, Ati i Shenjtë do të bekonte vendin tonë me fjalët “Paqe në këtë shtëpi”. Që prej asaj dite, shtëpia jonë e përbashkët ka njohur progres shoqëror, por ende të pamjaftueshëm për të konsoliduar besimin dhe shpresën e të rinjve tek e ardhmja. Besimi tek e ardhmja është një element i rëndësishëm për një popull të ri, sepse siç do të theksonte Ati i Shenjtë gjatë asaj vizite: “ku ka rini ka shpresë”.

Kriza e vlerave shoqëruar me veset e jetës politike gërryejne jo vetëm besueshmërinë dhe autoritetin moral të jetës publike por vënë në pikëpyetje paqen sociale dhe rrugën për ndërtimin e një të ardhme të denjë dhe të drejtë. Ndaj, sot më shumë se asnjëherë kemi nevojë për “artizanë të paqes”, që shpresa të mos vritet dhe e ardhmja të jetë e sigurtë. #DitaNdërkombëtareePaqes

(a.m/dosja.al)

Shto Koment