Bota

Dita e Europës/ Mesazhi i ambasadorit Soreca: Europa histori e fillimeve të reja! T’i japim fund pandemisë

Zyra e shtypit e BE në Tiranë njofton se, programi i Javëve të Europës të këtij viti ka të bëjë me shkëmbimin me komunitetet vendore përmes një ekspozite lëvizëse rreth BE-së, politikave dhe vlerave të saj, ndihmës së saj financiare për Shqipërinë së bashku me Shtetet Anëtare të BE-së.
Featured image of article: Dita e Europës/ Mesazhi i ambasadorit Soreca: Europa histori e fillimeve të reja! T’i japim fund pandemisë Luigi Soreca

TIRANË-Javët e Europës 2021, do të festohen midis të dielës 9 maj dhe të shtunës 29 maj, me një udhëtim 21-ditor nga veriu në jug të Shqipërisë për t’u takuar me qytetarët dhe për t’iu gëzuar veprimtarive të veçanta, panaireve, koncerteve dhe debateve mbi BE-në dhe Shqipërinë.

Zyra e shtypit e BE në Tiranë njofton se, programi i Javëve të Europës të këtij viti ka të bëjë me shkëmbimin me komunitetet vendore përmes një ekspozite lëvizëse rreth BE-së, politikave dhe vlerave të saj, ndihmës së saj financiare për Shqipërinë së bashku me Shtetet Anëtare të BE-së.

Temat tona kryesore përqendrohen te programet “BE për Shkollat”, “BE për Kulturën”, “BE për Inovacionin”, “BE për Bujqësinë” dhe Erasmus+. Një kombinim i argëtimit shqiptar dhe evropian përmes muzikës, netëve të filmave të BE-së, si dhe dokumentarëve mbi trashëgiminë kulturore të Shqipërisë, do të shoqërojnë udhëtimin e Delegacionit të BE-së, duke dëshmuar për atë çka kemi treguar deri më tani: Europa është këtu”, thuhet në njoftim.

Me rastin e Javëve të Europës 2021, Ambasadori i BE-së në Shqipëri Luigi Soreca tha, se “në këto kohëra të vështira, fuqia e solidaritetit na ka afruar edhe më shumë si kurrë më parë. Ndërsa Javët e Europës janë gati të fillojnë, ne nisëm një udhëtim me dëshirën për t’u takuar dhe shkëmbyer, duke shkuar te shqiptarët në qytetet, qytezat dhe fshatrat e tyre, në lugina, në bregdet e në male: për të mbështetur, për të mbrojtur, për të investuar dhe për të festuar.”

Për më shumë bëhu pjesë e grupit më viral në Facebook, Dosja.al

Sot është Dita e Europës, unë ndodhem këtu në veri të Shqipërie për të nisur turin e takimeve 3 javorë që do zhvillohen në të gjithë vendin. Viti që po lëmë pas, ka qenë si asnjë më parë, Pandemia ka ndikuar në çdo aspekt të jetës. Kemi kaluar përvoja të vështira personale, sëmundje të dhimbshme, Shumë nga ju kanë patur vështirësi ekonomike dhe humbjen e njerëzve të dashur. Po, në të njëjtën kohë kemi parë shembuj të shkëlqyer qëndrueshmërie dhe mbështetje. Ato çaste janë zbuluar bujarinë e atyre që kanë ndërhyrë për të ndihmuar. Gjithmonë në situata të vështira, kupton se ku mund të mbështetesh. Europa është një histori e fillimeve të reja. Dhe kjo është ajo çka Europës, përfshirë Shqipërinë, i duhet tani. t’i japë fund pandemisë dhe të formësojmë një fillim të ri për të gjithë europianët, Kjo është përgjegjësia jonë e përbashkët. ‘Askush nuk është i sigurt, pa qenë të gjithë të sigurt’, kjo është thirrja jonë e përbashkët për veprim“, thuhet mes të tjerash në mesazhin e Sorecës.

(d.a/dosja.al)

Shto Koment