Aktualitet

Dita e 13-të e grevës së urisë së naftëtareve të Ballshit, gratë vazhdojnë të rezistojnë: Ndihemi të dobëta por nuk dalim. Kryemadhi çon çështjen në SPAK

  • Naftëtarët e Ballshit i dërgojnë letër të hapur Ramës, Ballukut, Denajt dhe Manastirliut
  • Gjendja e tyre shëndetësore nuk është aspak e mirë e megjithatë, ende vijojnë të qëndrojnë në ambientet e brendshme të uzinës. 
    Featured image of article: Dita e 13-të e grevës së urisë së naftëtareve të Ballshit, gratë vazhdojnë të rezistojnë: Ndihemi të dobëta por nuk dalim. Kryemadhi çon çështjen në SPAK Naftetaret e Ballshit në grevë
    Përditësuar:

    BALLSH– Dita e sotme është e 13-ta e grevës së nafëtareve të Ballshit. Gjendja e tyre shëndetësore nuk është aspak e mirë e megjithatë, ende vijojnë të qëndrojnë në ambientet e brendshme të uzinës.

    Disa prej tyre janë zëvendësuar nga koleget pasi ishin në gjendje të rënduar, si temperaturë, të vjella dhe rrahje të forta zemre.“Zëri ynë nuk po dëgjohet. Nuk e dimë çfarë presin që të na japin një zgjidhje. Nuk dalim që këtu. Do të rrimë deri në vdekje. Fëmijët i kemi lënë në shtëpi na shikojnë vetëm nga televizori. Përditë po ndihemi më të dobëta. Nuk jemi gra për shoë, luftojmë për bukën e fëmijëve. Zoti kryeministër jepi zgjidhje këtyre grave. Vërtetë thotë është privat me privat por ai është rregullator. Të kthehet në qeveri humaniste për nënat.‘-shprehen gratë naftëtare.

    Ndërkohë që kryetarja e LSI, Monika Kryemadhi në një bashkëbisedim me gazetarët tha se e ka çuar çështjen në SPAK e se gjendja e grevisteve është e vështirë madje paralajmërojnë se nëse qeveria nuk reagon në grevë do ketë dhe fëmijë atje. Sipas saj, qeveria shqiptare shumë thjesht u siguron pagat dhe vazhdimësinë e punës vetëm nga të ardhurat e naftës.

    Për më shumë bëhu pjesë e grupit më viral në Facebook, Dosja.al

    Naftëtarët e Ballshit kanë dalë në protestë prej muajsh, ku protestojnë për të marrë pagat e tyre të prapambetura dhe rifillimin e punës, por zëri i tyre nuk është dëgjuar dhe kështu morën aktin ekstrem. Fillimisht u futën në grevë burrat naftëtarë dhe më pas këta u zëvendësuan nga gratë, pasi u rëndua gjendja e tyre shëndetësore. Pak ditë më parë, kreu i sindikatës Sokol Dautaj së bashku me disa naftëtarë zhvilluan një takim me përfaqësuesit e uzinës së përpunimit të naftës në Ballsh, por takimi nuk ka përfunduar me sukses. Sipas Dautajt në takim u dhanë vetëm premtime boshe. Ndërkohë kryeministri Edi Rama iu bën thirrje që të dalin nga greva dhe menjëherë ai do të shkojë tek ata për të biseduar. Kjo thirrje e kryeministrit nuk pranohet nga grevistët.

    (A.B)/Dosja.al

    • 11:55

      REVOLTA/ Gruaja e naftëtarit në Ballsh e indinjuar me Ballukun: A ka ndjenjë nëne ajo? I shohim në Facebook me karkaleca me gjëra, në s'kemi bukë për të ngrënë

      Greva e naftëtarëve në ballsh vazhdon dhe sot, gratë e punonjësve të Uzinës, hynë në ditën e 13-të të urisë, ku nuk mungojnë problemet shëndetësore. Ato janë shprehur të vendosura për të mos u tërhequr pa marrë paratë për fëmijët e tyre. Ndërsa një tjetër u shpreh e pezmatuar kur tha se pushtetarët pozojnë në rrjetet sociale duke ngrënë karkaleca, kur problemi i tyre nuk është zgjidhur. 

      “Nuk tërhiqemi!  I bëj thirrje Belinda Ballukut, ka ndonjë ndjenjë nëne ajo? I shikoj në facebook me karkaleca me gjëra. Ne nuk kemi bukë për të ngrënë, ne jemi në grevë, në grevë kemi edhe  familjet. Jemi të vendosura, nuk tërhiqemi. E dimë që nuk na i ka shteti ato lekë por të gjejë atë që na i ka”.-tha ajo. 

    • 10:41

      Greva e naftëtarëve, Kryemadhi: LSI i është drejtuar SPAK-ut për të hetuar aferën korruptive, rrogat e grevistëve sa dyshemeja e inceneratorit

      Gjatë bashkëbisedimit me gazetarët, kryetarja e LSI-së, Monika Kryemadhi preku dhe çështjen e naftëtarëve për të cilët deklaroi se partia e saj iu është drejtuar SPAK.

      Kryemadhi u shpreh se përgjegjësia e shtetit shqiptar për rafinerinë e naftës së Ballshit është e drejtpërdrejtë e se i duhet thënë zgjidhje sa më parë. Ajo thotë se gjendja e tyre është e vështirë madje paralajmërojnë se nëse qeveria nuk reagon në grevë do ketë dhe fëmijë.

      ‘Do të doja sot që ta filloja ditën duke shprehur dhe njëherë solidaritetin me gratë naftëtare, të cilat vazhdojnë që të jenë pjesë e  grevës së urisë dhe vazhdojnë të qëndrojnë në grevë të urisë ku bashkë me to shumë shpejt, nëse nuk do të ketë një zgjidhje ose një reagim jo vetëm politik, por dhe njerëzor nga qeveria  shqiptare, ata kanë bërë thirrje që do t’u bashkëngjiten dhe fëmijët e tyre. Ne si LSI i jemi drejtuar SPAK-ut për të hetuar rreth kësaj afere korruptive, por edhe Kontrollit të Lartë të Shtetit, një institucioni tjetër të cilët kanë për detyrë që jo vetëm të hetojnë, por dhe të vendosin para përgjegjësisë, duke patur parasysh që është një proces gjyqësor ku shteti shqiptar është me firmën fantazmë ose guaskë që normalisht janë mësuar ta përdorin sot dhe ka dalë si metodë e re për të lëvizur, mashtruar dhe përfituar nga paratë e buxhetit shqiptar dhe të pasurive shqiptare, ku ajo që është më e rëndësishmja dhe që duam të theksojmë është që përgjegjësia e shtetit shqiptar për rafinerinë e naftës së Ballshit është e drejtpërdrejtë, është shumë e thjeshtë sot.  Unë e sqarova dhe dje, por do të vazhdoj ta sqaroj çdo ditë, është shumë e thjeshtë që vetëm me të ardhurat që merren nga nafta, që u shiten qytetarëve shqiptar, është mundësia jo vetëm për të paguar pagat e naftëtarëve të cilët kanë një kohë të gjatë pa u paguar, por është dhe mundësia për të krijuar mundësinë e rifillimit të Uzinës, në mënyrë të tillë që këta naftëtarë dhe këta njerëz që punojnë në këtë rafineri jo vetëm të kenë mundësi për të marrë pagat e prapambetura, por dhe të kenë mundësinë e vazhdimit të jetës së tyre.’- u shpreh Kryemadhi.

    Shto Koment