Bota

Dita e 10 e luftimeve/ Izraeli emëron shefin e Hamasit si objektivin kryesor

Një zëdhënës i ushtrisë, gjenerali i brigadës, Hidai Zilberman, tha më herët se gjatë gjithë operacionit ata kanë provuar të vrasin Mohammed Deif.
Featured image of article: Dita e 10 e luftimeve/ Izraeli emëron shefin e Hamasit si objektivin kryesor Mohammed Deif

IZRAEL– Izraeli e ka emëruar shefin ushtarak të Hamasit, Mohammed Deif si një nga synimet e tij kryesore.

Një zëdhënës i ushtrisë, gjenerali i brigadës, Hidai Zilberman, tha më herët se gjatë gjithë operacionit ata kanë provuar të vrasin Mohammed Deif.

Ne jemi përpjekur ta vrasim atë disa herë.”- shtoi ai.

Sipas BBC, ai nuk dha detaje të mëtejshme, por raportet e medias sugjerojnë që Deif ka arritur t’i shpëtojë sulmeve të fundit ajrore izraelite. Deif është kreu i krahut ushtarak të Hamasit, Brigadat Izzedine al-Qassam dhe ka qenë në krye të listës së “më të kërkuarve” të Izraelit për vite me rradhë.

Për më shumë bëhu pjesë e grupit më viral në Facebook, Dosja.al

Ai mendohet se u ka shpëtuar për pak përpjekjeve të ushtrisë izraelite për ta vrarë atë në disa raste, përfshirë dhe konfliktin e fundit të madh në 2014 kur gruaja e tij dhe një nga fëmijët e tij u vranë.

Luftimet nisën pas një përplasje mes policisë izraelitëve dhe palestinezëve në vendin e shenjtë në Jeruzalemin lindor. “Haram al sharif” është Mali i Tempullit dhe frekuentohet edhe nga myslimanët palestinezë edhe nga izraelitët. Përplasjet vazhduan dhe autoritetet izraelite përgjatë muajit të Ramazanit kërkuan të dëbonin familjet palestineze që jetojnë në Jeruzalemin lindor. Gjatë përplasjeve, Hamas kërkoi që qeveria izraelite të largonte policinë dhe të mos dëbonte familjet por thirrjet nuk u dëgjuan.


Lajmi kryesor/ 10 ditë LUFTË! Konflikti mes Izraelit dhe Palestinës shënon 220 viktima, në pak minuta hidhen 122 bomba në Gaza. Save the Children ngre alarmin: Krizë e trefishtë për fëmijët


(d.a/dosja.al)

Shto Koment