Rajoni

Dialogu Kosovë-Serbi/ Thaçi takohet me ambasadorin Kosnett, diskutojnë për heqjen e taksës

Presidenti i Kosovës Hashim Thaçi ka takuar sot ambasadorin e SHBA-së, Philip S. Kosnett, ku ndër të tjera kanë biseduar për dialogun Kosovë-Serbi.
Featured image of article: Dialogu Kosovë-Serbi/ Thaçi takohet me ambasadorin Kosnett, diskutojnë për heqjen e taksës Presidenti i Kosovës, Hashim Thaçi dhe ambasadori i SHBA-ve në Prishtinë, Philip S. Kosnett

Presidenti i Kosovës, Hashim Thaçi ka takuar sot ambasadorin e SHBA-së, Philip S. Kosnett teksa ka biseduar për tema të nxehta, e veçanërisht atë të dialogut mes Kosovës dhe Serbisë.

Thaçi  theksoi se miqësia me SHBA është e përhershme dhe thelbësore për realizimin e qëllimeve strategjike për integrim në strukturat euroatlantike.

Kosova dhe Shtetet e Bashkuara të Amerikës ndajnë vlera, parime dhe synime të përbashkëta. Në këtë rast, synimi ynë i përbashkët është të ndërtojmë paqe e stabilitet të qëndrueshëm në Kosovë dhe në rajon, si parakusht për zhvillim e prosperitet të vendit tonë. Çelës për paqen është arritja e një marrëveshjeje paqësore, gjithëpërfshirëse dhe përfundimtare në mes të Kosovës dhe Serbisë”, ka thënë presidenti Thaçi.

Presidenti dhe ambasadori Kosnett thanë mes tjerash se thelbësore është të largohen të gjitha pengesat për vazhdimin e dialogut me Serbinë dhe t’i hapet rrugë marrëveshjes paqësore.

Partneriteti dhe miqësia me Shtetet e Bashkuara të Amerikës është jetësor për Kosovën. Kosova ka arritur kaq larg falë përkrahjes së gjithanshme të Shteteve të Bashkuara”, ka  shtuar Thaçi.

Për më shumë bëhu pjesë e grupit më viral në Facebook, Dosja.al

Shtetet e Bashkuara të Amerikës po kërkojnë që Kosova të pezullojë taksën prej 100 për qind në importet e Serbisë dhe Bosnjës, meqë kjo masë ka bllokuar vazhdimin e dialogut mes Kosovës dhe Serbisë, që zhvillohet me ndërmjetësimin e Bashkimit Evropian në Bruksel.

Sipas Qeverisë amerikane, vendimi për mospezullim të taksës përbën qëndrim kundër interesave të SHBA-së.

Megjithatë, kryeministri i Kosovës, Ramush Haradinaj po insiston se taksa do të jetë në fuqi derisa Serbia të njohë shtetësinë e Kosovës.

Por, nga ana tjetër taksa është kundërshtuar edhe nga autoritetet e Serbisë, ndërsa presidenti serb Aleksandar Vuçiç ka thënë se nuk do të ketë dialog në Bruksel, derisa taksa doganore të jetë në fuqi.

 

Shto Koment