Ministrja e Shëndetësisë dhe e Mbrojtjes Sociale, Ogerta Manastirliu
SHKODËR- Në kuadër të takimeve të hapura me mjekët dhe infermierët, Manastirliu lajmëroi disa ndryshime të propozuara për mjekimin e pakujdesshëm dhe për dhunën ndaj bluzave të bardha.
Jemi të vendosur të zbatojmë regjimin e ri në spitale për orarin e vizitave të familjarëve në pavione dhe ky ndryshim nis e para nga vetë mjekët.
Ministrja e Shëndetësisë, Ogerta Manastirliu
Deklarata u bë, nga ministrja e Shëndetësisë dhe e Mbrotjes Sociale, Ogerta Manastirliu, në Spitalin Rajonal të Shkodrës.
Ministrja e Shëndetësisë kërkoi angazhimin e drejtorëve të spitaleve dhe shefave të pavioneve për të zbatuar këtë regjim.
Gjatë bisedës me mjekët, Manastirliu deklaroi nga Shkodra se po punohet në bashkëpinim me Ministrinë e Drejtësisë, që, kanosja e profesionistëve të mjekësisë për shkak të detyrës të përfshihet specifikisht në kodin penal, me ashpërsim të masave për ata që dhunojnë bluzat e bardha.
Ne jemi duke ndermarrë me Ministrinë e Drejtësisë prej 2 muajsh nismën për ndryshimet në Kodin Penal. Kemi rënë në një draft të kodit penal lidhur me dy ndryshime të rëndësishme. E para persa i përket mjekimit të pakujdesshëm, duke u marrë dhe duke u vlerësuar praktika ndërkombëtare për gabimet mjekësore dhe neglizhencën në mjekim dhe elementi i dytë është vendosja në kodin penal të kanosjes për shkak të detyrës kundër profesionistëve të shëndetit, si një vepër penale e cila duhet të dënohet me burg.
Ministrja e Shëndetësisë, Ogerta Manastirliu
Gjatë vizitës në spitalin e Shkodrës, Manastirliu tha se do të vijojnë investimet në këtë spital, i cili është mbështetur me 1.8 milonë euro gjatë 4 viteve të fundit për aparatura mjekësore moderne, si angiograf, rezonancë magnetike, etj.
(a.m/dosja.al)
