Aktualitet

Dhjetëra aksidente fatale/ “Lëviz për Korsitë, Pedalo i Sigurt” Nisma e qytetarëve të Durrësit për infrasturkturën e biçikletave

“Lëviz për Korsitë, Pedalo i Sigurt”, kështu është quajtur edhe nisma që “Bicycle Durrës” një grupim qytetarësh dashamirës dhe përdorues të biçikletës kanë ndërmarrë në këtë qytet.
Featured image of article: Dhjetëra aksidente fatale/ “Lëviz për Korsitë, Pedalo i Sigurt” Nisma e qytetarëve të Durrësit për infrasturkturën e biçikletave Qytetarët me biçikleta në qytetin e Durrësit.

DURRËS– Aksidentet me pasojë vdekjen, përdoruesit e biçikletës në Durrës kërkojnë korsi
Shumë qytete në Shqipëri, përfshirë edhe ato që janë më të zhvilluara nuk kanë infrasturkturën e duhur për qytetarët që dëshirojnë të lëvizin nëpër qytet me biçikletë.
Për këtë problem ka ankesa edhe në qytetin bregdetar të Durrësit, ku qytetarët atje kanë ndërmarrë një nisëm.

“Lëviz për Korsitë, Pedalo i Sigurt”, kështu është quajtur edhe nisma që “Bicycle Durrës” një grupim qytetarësh dashamirës dhe përdorues të biçikletës kanë ndërmarrë në këtë qytet. Të paktë prej 4 vitesh ata lobojnë në qytetin e Durrësit për krijimin e infrastrukturës vetëm për biçikleta.

Kjo pasi, mungesa e thekuar e korsive për biçikleta është një prej faktorëve kryesorë që ndikon në aksidentet e shumta që ndodhin në këtë qytet me pasojë vdekjen.
Sipas nstitutit të Statistikave rezulton se vetëm në muajt janar-gusht 2019 në Durrës janë shënuar 83 aksidente, si pasojë e të cilave 16 persona kanë humbur jetën.

“Përmes këtij projekti ne synojmë të nxisim qytetarët në adresimin e problemit tek pushteti vendor dhe marrjen e masave të menjëhershme për shtimin e pistave të biçikletave dhe vendosjen e sinjalistikës së nevojshme.”– ka thënë Xheni Shtemari, drejtues i nismës që mbështetet nga Lëviz Albania, një projekt i Agjencisë Zvicerane për Zhvillim dhe Bashkëpunim, SDC.

Mësohet se mes shumë aksidenteve që kanë ndodhur një pjesë e tyrekanë lënë si viktima qytetarët që lëviznin me biçikletë në qytet.
Përveç këtij faktori të rëndësishëm, mbrojtja e jetës së njeriut, infrastruktura e për përdorimin e biçikletës do të ndihmonte edhe në uljen e ndotjes së ajrit që është një prej efekteve pozitive që sjell përdorimi i biçikletës.

Për më shumë bëhu pjesë e grupit më viral në Facebook, Dosja.al

Ndërkohë në bazë të deklaratave të Organizatës Botërore të Shëndetësisë rezulton se në Shqipëri në vitin 2017 kanë humbur jetën 16 persona për shkak të ndotjes së ajrit.
Edhe mjekët vijonë të këmbëngulin vazhdimisht s përdorimi i biçikletës përbën një aktivitet fizik të dobishëm për shëndetin dhe mjedisin. Përdorimi i saj përmirëson po ashtu shëndetin mendor dhe humorin.

Tashmë gjatë situatës së vështirë të pandemisë së Covid-19 qytetarët kan përdorur vetëm biçikletat, pasi ka qenë e vetmja zgjidhje për të dalë nga shtëpia në plotësim të shërbimeve të tyre.

“Përpara kësaj situate qytetarët kishin frikë të përdornin biçikletën, në mungesë të korsive të dedikuara në rrugët e qytetit. Pas stabilizimit të situatëspushteti vendor duhet të nisi projekte konkrete që shtojnë pistat në qytet.” – ka thënë Marjeta Guzi, përfaqësuese e grupimit Bicycle Durrës.

A.C/Dosja.al

Shto Koment