Sport

Devid Bekham protagonist lojërash, do të përfitojë më shumë se sa kur luante te Manchester United

Ish-kapiteni i kombëtares angleze do të jetë pjesë e EA-Sports, në edicionin special të FIFA21 "Beckham Edition"
Featured image of article: Devid Bekham protagonist lojërash, do të përfitojë më shumë se sa kur luante te Manchester United
Përditësuar:

ANGLI – Devid Bekham vazhdon të jetë një makinë prodhimi parash thjeshtë nga imazhi i tij. Ish-futbollisti, që nga periudha e largimit nga futbolli i luajtur, është marrë me një sërë biznesesh që kanë qenë të suksesshme. Ai është gjithashtu dhe bashkëthemelues i skuadrës Iner Majemi.

Në vitin 2019, sipas britanikes “The Mirror”, të ardhurat e çiftit Devid dhe Viktoria Bekham, ishin 900 milionë euro. Kohët e fundit duket se ish-ylli i kombëtares angleze dhe i Manchester United do të përfitojë së fundmi një shumë të konsiderueshme parash, falë marrëveshjes që ka arritur me firmën ndërkombëtare të lojërave elektronike Electronic Games, e cila në bashkëpunim me FIFA-n, vit pas viti krijon një nga lojërat më të njohura të futbollit.

 

 

Për më shumë bëhu pjesë e grupit më viral në Facebook, Dosja.al
View this post on Instagram

 

A post shared by David Beckham (@davidbeckham)


Dy ditë më par vetë Devid Bekham ka deklaruar, se do të jetë pjesë e FIFA21, e cila ka krijuar një model speial të quajtur “Beckham Edition”. Britanikja “Daily Mail” shkruan se ish-kapiteni i “3 luanëve”, ka firmosur një kontratë 3-vjecare me EA Sports për 40 milionë stërlina, apo më shumë se 48 milionë euro.

Po sipas kësaj të përditshme, Bekham do të përfitojë më shumë se sa përfitonte kur luante në fillimin e karrierës së tij te Manchester United, apo disa skuadrave të tjera në karrierë. Në atë kohë paguhej 100.000 stërlina në javë, gjithashtu kur kaloi në SHBA te Los Angeles Galaxy në vitin 2007 përfitoi 28 milionë euro.
B.T (Dosja.al)

Shto Koment