Aktualitet

Horrori në Pogradec/ 44-vjeçari tentoi të vriste vajzën se rrinte në telefon, gjyshja ndërhyri për të mbrojtur mbesën, gjatë sherrit djali i preu kokën 70-vjeçares

  • Psikiatri që ka kuruar Olsi Çekiçin: Vuante nga probleme të shëndetit mendor
  • Sipas familjarëve 44-vjeçari ka tentuar të vrasë vajzën e tij, vetëm 15-vjeç, pasi kjo e fundit rrinte në telefon. Menjëherë ndërhyri gjyshja e saj, e cila u vra nga 44-vjeçari. Ndërsa, vajza u larguar me shpejtësi nga banesa. Për këtë ngjarje të rëndë ka folur edhe psikiatri i 44-vjeçarit, Gentian Çala. Ai ka treguar se 44-vjeçari përdorte subastanca narkotike.
    Featured image of article: Horrori në Pogradec/ 44-vjeçari tentoi të vriste vajzën se rrinte në telefon, gjyshja ndërhyri për të mbrojtur mbesën, gjatë sherrit djali i preu kokën 70-vjeçares Firdes dhe Olsi Çekiçi

    POGRADEC- Detaje tronditëse na vijnë nga Pogradeci, ku Olsi Çekiçi i preu kokën me thikë nënës së tij, Firdes Çekiçi. Burime për Dosja.al bëjnë me dije se 44-vjeçari ka dashur të vrasë vajzën e tij, pasi i ka gjetur një mesazh në telefonin e saj. Sipas familjarëve në këto momente ndërhyri gjyshja, e cila mbrojti vajzën. Menjëherë 15-vjeçarja u largua me shpejtësi nga banesa, ndërsa 44-vjeçari vrau nënën e tij. Sakaq, gjatë momenteve të tmerrit vajza ka dëgjuar se 44-vjeçari i thoshte nënës: “Boll jetove”.

    “Gjyshja hyri të mbronte mbesën. Çekiçi donte të vriste vajzën për shkak se rrinte në telefon, i gjeti një mesazh. Për 44-vjeçarin ka pasur denoncime nga nënëa, por ajo më pas i ka tërhequr ato. Kush është mjeku që vendosi për lirimin e tij? Në shtëpi rrinin ato të katër, nuk kishte njeri tjetër. Për telefonin e vajzës iku një jetë. Faji këtu është i institucioneve që nuk kontrollojnë”, tha një i afërm i viktimës.

    Ndërsa, psikiatri i Çekiçit, Gentian Çala ka treguar se 44-vjeçari përdorte subastanca narkotike. Ai tregon se autori i krimit nuk pranonte të merrte mjekime dhe se dhunonte herë pas here familjarët.

    Por, kush është Olsi Çekiçi? 

    Për më shumë bëhu pjesë e grupit më viral në Facebook, Dosja.al

    Olsi Çekiçi vuante nga probleme të shëndetit mendor. Ai është dënuar më herët për përdorim të lëndëve narkotive në Itali, Greqi dhe Belgjikë. Ai gjithashtu ka vuajtur dënimin në vendin tonë në burgun e Zaharisë dhe vetëm pak muaj më parë, mësohet se është shtruar në spitalin psikiatrik të Elbasan për t’u kuruar. Olsi ishte i divorcuar dhe ushtronte dhunë edhe mbi të bijën e mitur, por pavarësisht denoncimeve të shumta, vijonte të ishte i lirë. Po kështu, ai ka qenë edhe shumë aktiv në rrjetet sociale. Në disa postime në Facebook  ai falënderon Allahun dhe jep mesazhin se beson në dashuri. Ndërkohë, 44-vjeçari na ka treguar se është një fans i këngëtares së njohur Dua Lipa.

    Ngjarja e rëndë tronditi Pogradecin pasditen e djeshme. Olsi Çekiçi pas sherreve dhe dhunës së përditshme mori thikën dhe masakroi nënën e tij, 70-vjeçare. Ai i preku kokën nënë së tij dhe e vari në derë të shtëpisë. 44-vjeçari la të plagosur edhe vëllain e tij. Ai u arrestua menjëherë nga policia dhe u gjet i përlyer në gjak.

    J.V/Dosja.al

    • 10:54

      ME FOTO/ Kjo është 70-vjeçarja që u vra nga djali në Pogradec, e moshuara kujdesej për të birin, shkonte tek psikiatri për t’i marrë ilaçet

      Firdes dhe Olsi Çekiçi

      Kjo që shikoni në foto është 70-vjeçarja, Firdes Çekiçi, që u vra ditën e djeshme nga djali i saj, Olsi Çekiçi. Pas krimit të rëndë, familjarët kanë hapur dyert e mortit. Ata kanë deklaruar për mediet se ajo ishte një grua e respektuar në fshat dhe se kujdesej për djalin dhe mbesën. Madje ajo shkonte edhe tek psikiatri për të marrë ilaçet për të birin. Ky i fundit refuzonte t’i pinte ato.

      Firdes Çekiçi
    • 10:38

      Dalin pamjet nga banesa në Pogradec, ku djali i preu kokën nënës, familjarët hapin dyert e mortit: 70-vjeçarja ishte “shpirt njeriu”

      Dalin pamjet e banesës në Buçimas të Pogradecit, ku ditën e djeshme 44-vjeçari Olsi Çekiçi vrau nënën e tij. Siç shihet edhe në pamjet e mëposhtme të siguruara nga Report Tv, banesa ku ndodhi krimi i rëndë është një katëshe, e cila përpara ka një oborr të vogël. Në oborrin e saj janë reshtuar disa karrige, ku pritet të ulen personat që do shkojnë për ngushëllim.

      Ndërkohë, familjarët kanë hapur dyer e mortit dhe me lot në sy shprehen se 70-vjeçarja ishte “shpirt njeriu”. Ata tregojnë se për të kishte respekt gjithë fshati.

    • 9:33

      Krimi makabër në Pogradec, flet psikiatri që ka kuruar Olsi Çekiçin: Vuante nga probleme të shëndetit mendor, pinte drogë dhe dhunonte të afërmit

      Flet psikiatri Gentian Çala, i cili ka kuruar vrasësin Olsi Çekiçi. Mjeku ka deklaruar se 44-vjeçari vuante nga probleme të shëndetit mendor, të cilat kishin si shkak përdorimin e subastancave narkotike. Ai thekson se autori i krimit nuk pranonte të merrte mjekime dhe se dhunonte herë pas here familjarët.

      “Autori i krimit vuante nga çrregullime mendore, të cilat kishin si shkak përdorimin e substancave narkotike. 44-vjeçari, nën efektin e narkotikëve dhunonte anëtarët e familjes. 44-vjeçari nuk pranonte të merrte mjekime. E ëma shkonte shpesh në qendrën e shëndetit mendor dhe kërkonte recetë për të birin“, tha Gentian Çala.
    • 08:21

      “Boll jetove”/ 44-vjeçari në Pogradec vrau nënën në sy të vajzës, gjatë momenteve të tmerrit 15-vjeçarja u largua nga banesa

      Olsi Çekiçi

      Detaje të reja tronditëse kanë dalë nga krimi makabër në Pogradec, ku Olsi Çekiçi i preu kokën nënës së tij. Burime për Dosja.al bëjnë me dije se ngjarja e rëndë ka ndodhur në sy të mbesës së viktimës. Të njëjtat burime bëjnë me dije se 15-vjeçara ka parë momentet kur babai i saj, Olsi Çekiçi, po sulmonte me thikë gjyshen, Firdes Çekiçi.

      Ajo menjëherë ka lajmëruar policinë dhe është larguar me shpejtësi nga banesa. Patrulla e Përgjithshme u nis drejt adresës dhe gjeti autorin e krimit duke tentuar të vrasë të vëllanë, ndërsa e ëma e tij kishte ndërruar jetë.

    • 07:38

      ”Unë besoj në dashuri”/ 44-vjeçari nga Pogradeci që i preu kokën nënës është fans i zjarrtë i Dua Lipës, në Facebook shfaqet si besimtar, Metën dhe Kryemadhin i quan shushunja

      Olsi Çekiçi dhe postimet e tij në Facebook

      Olsi Çekiçi, autori i krimit makabër në Pogradec është shumë aktiv edhe në rrjetet sociale. Nëse i hedhim në sy faqes së tij në Facebook, ai ka bërë postime të njëpasnjëshme, ku shfaqet edhe si besimtar. Në disa postime të tij ai falënderon Allahun dhe jep mesazhin se beson në dashuri. Ndërkohë, 44-vjeçari na ka treguar se është një fans i këngëtares së njohur Dua Lipa, pasi më 30 qershor të këtij viti ka publikuar disa foto të saj.

      Sakaq, autori i krimit të rëndë ka edhe rezervat e tij për politikanët shqiptarë. Në një postim, ai e quan Presidentin Ilir Meta, kryetaren e LSI-së Monika Kryemadhi, Petrit Vasilin dhe Luan Ramën shushunja.

      Ajo që vihet re tjetër është nuk kanë munguar as komentet nga të afërmit dhe miqtë e tij, në fotot dhe postimet që bënte 44-vjeçari.

    Shto Koment