Aktualitet

Thellohet SKANDALI/ Biznesmeni durrsak i akuzuar për 4 mln euro mashtrim me TVSH fitoi tenderin e bashkisë Tiranë për banesat sociale (EMRI+DETAJE)

Rabi Kurti është pronati i “Kurti Construction”, kompanisë që do të marrë 670 milionë lekë nga Bashkia Tiranë për kalimin e banorëve nga çadrat në konteinerë. Ai është biznesmeni durrësak i akuzuar për 4 mln euro mashtrim me TVSH-në.
Featured image of article: Thellohet SKANDALI/ Biznesmeni durrsak i akuzuar për 4 mln euro mashtrim me TVSH fitoi tenderin e bashkisë Tiranë për banesat sociale (EMRI+DETAJE) Foto ilustruse

TIRANË-Rabi Kurti, i arrestuar më 5 shtator 2019, si një nga biznesmenët VIP, i akuzuar për 4 milionë euro mashtrim me TVSH-në, rezulton se është pronari i “Kurti Construction”, kompania që do të marrë 670 milionë lekë nga Bashkia Tiranë për kalimin e banorëve nga çadrat në konteinerë.

Dosja.al verifikoi edhe pronësinë totale të “Kurti Construction” dhe rezulton se kompania është 100% në emër të Rabi Kurtit. Është e paqartë procedura e ndjekur nga bashkia Tiranë në këtë rast, kur kompania e durrsakut është nën skanerin e prokurorisë për mashtrim. Përmes një bashkimi operatorësh, Kurti Construction dhe Bredhi Jes Shpk, një kompani, e krijuar në vitin 2004 në pronësi të Servere Prençi, këto dy kompani në një emër të përbashkët fituan tenderin pa garë, duke shkelur hapur ligjin për prokurorimet publike. (Lexo këtu).

Dokumenti nga QKR

Rabi Kurti nuk është një biznesmen i panjohur, ai njihet në Durrës si një nga emrat e lidhur ngushtë me Partinë Demokratike, e cila e vuri edhe në listën e kandidatëve për këshillin bashkiak në vitin 2011. Përmes faturave fiktive tatimore, Kurti dhe biznesmenët e tjerë të arrestuar shtatorin e 2019, i shkaktuan shtetit një dëm që kapte vlerën e 4 milionë eurove, pasi rimbursoheshin për vlera që nuk ishin reale. A ka kryer verifikime bashkia Tiranë para se të jepte tenderin tek një kompani e cila përjashtohet nga tenderat publikë derisa të sqarojë ccështjen për të cilën e ka vënë nën hetim prokuroria?

Dokumenti nga QKR

 

Për më shumë bëhu pjesë e grupit më viral në Facebook, Dosja.al

 

 

F.G/Dosja.al

Shto Koment