Aktualitet

Dështoi me objektivin? Rama premtoi 1 milionë të vaksinuar brenda qershorit, ende larg me shifrat

Vetë ministrja e Shëndetësisë, Ogerta Manastirliu u zotua se brenda qershorit, Shqipëria do të kapte shifrën e 1 000000 të vaksinuarve me anti-COVID, por nuk ia ka dalë. 
Featured image of article: Dështoi me objektivin? Rama premtoi 1 milionë të vaksinuar brenda qershorit, ende larg me shifrat Foto ilustruese

TIRANË– Qeveria e kryeministrit Edi Rama duket se nuk e ka përmbushur objektivin për të kapur shifrën e 1 milionë të imunizuarve deri në qershor. Vetë ministrja e Shëndetësisë, Ogerta Manastirliu u zotua se brenda qershorit, Shqipëria do të kapte shifrën e 1 000000 të vaksinuarve me anti-COVID, por nuk ia ka dalë. 

Sot ministrja ka njoftuar se në 24 orët e fundit u kryen 2,038 vaksinime, duke kapur totalin e gjithsej 798,624 të imunizuarve. Me shifraa të tilla injektimesh ditore, deri në fund të qershorit është thuajse e pamundur për të kapur shumën e mbetur. 

Për më shumë bëhu pjesë e grupit më viral në Facebook, Dosja.al

Ndërkohë që deri më tani, vaksinimi është mbyllur për bluzat e bardha; efektivët e Policisë; mësuesit e pedagogët; punonjësit e transportit publik, etj. Ndërsa tek të moshuarit, është kapur fasha e vaksinimit +65 vjeç.

(k.m/dosja.al)

Shto Koment