Politike

Dështimi i negociatave/ Ruçi thirrje Francës, Holandës e Danimarkës: Ejani verifikoni reformat!

Ruçi ka deklaruar se të huajt duhet të vijnë dhe të shikojnë reformat në vendin tonë.
Featured image of article: Dështimi i negociatave/ Ruçi thirrje Francës, Holandës e Danimarkës: Ejani verifikoni reformat! Gramoz Ruçi. kreu i Kuvendit

Tiranë– Për çështjen e negociatave, kreu i Kuvendit Gramoz Ruçi i ka dërguar një letër  kryeplarlamentarëve të vendeve të BE-së që i thanë “JO” Shqipërinë dhe Maqedoninë e Veriut.

Ruçi deklaron se vendimi i pamerituar i Këshillit të Europës nuk e ka dekurajuar Shqipërinë për të vijuar në rrugën e reformave integruese që u shërbejnë qytetarëve të Shqipërisë. Ai i drejtohet homologëve të Francës, Holandës dhe Danimarkës që të vijnë në Shqipëri për të verifikuar reformat që vendi ynë ka ndërmarrë dhe sipas tij e meritob hapjen e negociatave.

Dështojnë negociatat për Shqipërinë dhe Maqedoninë e Veriut. Më 18 tetor Donald Tusk konfirmoi se pas diskutimeve të gjata nuk vendos për një “PO”. Menjëherë pas vendimit Meta u shpreh se asgjë s’ka përfunduar dhe nuk duhet humbur shpresa. Ndërsa Hahn deklaroi se vendimi është një zhgënjim, BE nuk mbajti premtimin. Nuk kanë munguar edhe konferencat nga qeveria, ku Rama u shpreh se shpreson për një “Po” pranverën që vjen. Ndërsa Cakaj pohoi se asnjëherë qeveria Rama nuk u zotua se do të hapeshin me patjetër negociatat.

J.V/Dosja.al 

Shto Koment