Aktualitet

Dëshmia e efektivit që plagosi 3 persona gjatë sherrit në Mamurras: Pasi u futëm në lokal nisi debati! Qëllova dy herë në ajër, ata më goditën

David Medani, i cili u përfshi në konflikt ditën e djeshme në Mamurras duke plagosur aksidentalisht 2 kolegët e tij dhe një person tjetër ka dhënë dëshminë e tij
Featured image of article: Dëshmia e efektivit që plagosi 3 persona gjatë sherrit në Mamurras: Pasi u futëm në lokal nisi debati! Qëllova dy herë në ajër, ata më goditën Foto nga Mamurrasi, vendi ku u plagosën dy efektivët dhe Nikoll Vorfi

MAMURRAS– Efektivi i policisë, David Medani, i cili u përfshi në konflikt ditën e djeshme në Mamurras duke plagosur aksidentalisht 2 kolegët e tij dhe një person tjetër ka dhënë dëshminë e tij. Ai ka bërë të ditur se kanë qënë 6 persona të cilët kanë zbritur nga nga dy makina dhe janë drejtuar drejt tij me sende të forta në duar.

Nxora armën e shërbimit nga brezi dhe qëllova dy herë në ajër, duke ju thënë te mos afroheshin. Por pavaresisht thirrjeve ata më goditën dhe unë qëllova sërish në mënyrë të pakontrolluar, duke plagosur njërin nga agresoret dhe kolegët e mi”, mësohet të ketë thënë Medani.

Medani ka treguar se ditën e martë ka ushtruar kontroll në një lokal aty ku nisi dhe zanafilla e sherrit. Ai tha se një person debatoi me shefin dhe më pas u dha urdhëri për shoqërimin e tij në komisariat.

Për më shumë bëhu pjesë e grupit më viral në Facebook, Dosja.al

Rreth orës 9.30 me thirri shefi i stacionit i cili më tha se do shkojmë për kontroll. Së bashku me policin Ilir Zeka me mjetin e policisë ne u nisëm pas mjetit privat të shefit dhe u ndalëm në një lokal. Pasi hymë në lokalin kafe bilardo kontaktuam një person dhe i bëmë të ditur arsyet e kontrollit. Por ky shtetas debatoi me shefin dhe urdhëroi shoqërimin e këtij personi drejt postës” ka thënë polici.

Ne lidhje me ngjarjen janë arrestuar tre persona të perfshirë në konflikt. Të arrestuar janë Gjon Fufi, 40 vjeç, Nikoll Fufi, 36 vjeç dhe Rudolf Fufi, 31 vjeç, të tre lindur e banues në Mamurras. Ndërsa Efektivi Medani u arrestua mëngjesin e së mërkurës dhe ndaj tij janë ngritur akuza “Plagosje e rëndë në kapërcim të kufijve të mbrojtjes së nevojshme” dhe “Plagosje e rëndë nga pakujdesia”.

(a.b)/dosja.al

Shto Koment