Rajoni

Deklaratat në Kuvend/ Isa Mustafa: Kurti t’i tërheqë akuzat dhe t’i kërkojë falje publike SHBA-së

Mustafa mendon se kryeministri Albin Kurti duhet të kërkojë falje dhe t’i tërheqë deklaratat kundër SHBA-së qëi bëri në Kuvendin e Kosovës, disa ditë më parë kur edhe u votua me 82 vota pro për rrëzimin e qeverisë së tij. 
Featured image of article: Deklaratat në Kuvend/ Isa Mustafa: Kurti t’i tërheqë akuzat dhe t’i kërkojë falje publike SHBA-së Isa Mustafa

PRISHTINË– Kryetari i LDK-së, Isa Mustafa është shprehur se Shtetet e Bashkuara të Amerikës nuk e meritojnë që të flitet me dyshim se janë duke punuar pas krahëve për të dëmtuar Kosovën. Sipas tij, Kosova duhet të vazhdojë që SHBA-në ta konsiderojë si partnerë të fortë dhe të vazhdueshëm.

Mustafa mendon se kryeministri Albin Kurti duhet të kërkojë falje dhe t’i tërheqë deklaratat kundër SHBA-së qëi bëri në Kuvendin e Kosovës, disa ditë më parë kur edhe u votua me 82 vota pro për rrëzimin e qeverisë së tij. 

“I dëmshëm ka qenë deri më tani edhe qëndrimi i qeverisë dhe kryeministrit Kurti që nuk bashkëpunoi me SHBA’në për të mënjanuar tarifën pa kushte dhe poashtu nuk shkoi në procesin e dialogut në mënyrë që të jetë në tavolinë të dialogut dhe të mos krijohen pastaj dyshime të ndryshme se çfarë ka në tavolinë,”- theksoi ai.

Për më shumë bëhu pjesë e grupit më viral në Facebook, Dosja.al

Qeveria e Kurtit u rrëzua me një mocion mosbesimi të iniciuar nga partneri i tij në koalicion, Isa Mustafa i LDK-së. Sipas tij, aryset për mocionin ishin shkarkimi i ministrit të Brendshëm, Agim Veliu dhe mosshpallja e gjendjes së jashtëzakonshme për koronavirusin. Ndërsa Kurti u shpreh se e gjitha ndodhi për shkak të një marrëveshje mes Mustafës, Thaçit dhe Amerikës për shkëmbimin e territoreve me Serbinë.

(k.m/dosja.al)

Shto Koment