Politike

Debati për Qazim Ismailin, Spiropali: Është e vërtetë që ka punuar si pompist media ka publikuar lajme të rreme për të

VIDEO
Spiropali quajti Qazim Ismailin si viktimë të lajmeve dhe të opozitës, dhe shtoi se ai ka punuar popmist nga halli, pasi kishte pësuar tregjedi nga shpërthimi i Gërdecit.
Featured image of article: Debati për Qazim Ismailin, Spiropali: Është e vërtetë që ka punuar si pompist media ka publikuar lajme të rreme për të Elisa Spiropali, Zëdhënëse e qeverisë

TIRANË- Zëdhënësja e Qeverisë, njëkohësisht dhe Ministre e Shtetit për Marrëdhëniet me Parlamentin, ka reaguar në lidhje me lajmin se një prej mjekëve që u dërgua në Itali ka punaur vitet e fundit si pompist në një karburant. Në një video-mesazh në Facebook, Spiropali shprehet se të gjitha lajmet janë të rreme dhe po hidhet baltë kundër rastit solemn të historisë së marrëdhënieve me Italinë. Spiropali quajti Qazim Ismailin si viktimë të lajmeve dhe të opozitës, dhe shtoi se ai ka punuar popmist nga halli, pasi kishte pësuar tregjedi nga shpërthimi i Gërdecit.

DEKLARATA E SPIROPALIT

Nuk duam të merremi me opozitën në këto kohë luftë kaq të egër për në këtë kohë bëhet e pamundur heshtja kur tejkalohen dhe kufijtë e njerëzores me ligësira që helmojnë zemrën dhe mendjen njerëzve ndërkohë që ata sot  kanë nevojë  për ndihmë prej nesh të zgjedhurve. Unë e di që janë shumë të mërzitur me mallëngjimin që përfshiu mbarë Italinë prej gjestit tonë solidar me popullin fqinj e vëlla matanë detit për të cilën u gëzua i madh dhe i vogël me emrin shqiptar me përjashtim të disave të quajtur luanë dhe petrita të cilët janë shëmbëlltyra e një ligësie që e ka shoqëruan në shekuj sojin më të ulët politikanë shqiptarë, por dhe që për këtë rasti kaq solemn të historinë e marrëdhënieve me Italinë e me Europën, luanët dhe petritët të mos gjenin forcën të heshtnin por t’i vërsuleshin një shqiptari të mirë e të urtë, vetëm, e vetëm për të bërë pis veshjet e bardha të atyre 30 misionarëve që u kthyen në  engjëj shpëtimtarë në sytë e popullit italian, kjo kalon dhe kufijtë e të pabesueshmes.

Për më shumë bëhu pjesë e grupit më viral në Facebook, Dosja.al

Pu kush është viktima e agresionit të këtyre njerëzve? As më pak dhe as më shumë se Qazim Ismaili. Kryefamiljari i një prej familjeve të bombarduara  prej Gërdecit, me tre fëmijë. Ai u cilësua pacipërisht si pompisti i veshur si mjek dhe u kërdis publikisht. Qazim  Ismaili është e vërtetë që ka punuar edhe në një karburant në Vorë, pranë shtëpisë së tij  të martirizuar nga bomba e korrupsionit më vrastar që ka njohur kjo anë e botës, por ai është infermier dhe jo vetëm i lidhur shpirtërisht, por dhe profesionalisht me Italinë. Ka punuar katër vite në Spitalin Ushtarak, më pas për 9 vite në spitalin Nr 2 dhe më pas për 5 vite të jetës së tij si infermier në Itali. Ai u kthe në Shqipëri në vitin 2008 pikërisht pas bombardimit të gërdecit. Vajza e tij Artiola vuan nga zemra dhe u dëmtua nga shpërthimi i Gërdecit. Borxhi që Qazimi u ka miqve italianë për fëmijët dhe shtëpinë e tij të shkatërruar e ka shpjeguar ai vetë. Ndërsa unë dua t’ju them juve se ai u regjistrua në listën e 2000 vullnetarëve që u treguan menjëherë të gatshëm t’i përgjigjeshin thirrjes së Ministrisë së Shëndetësisë kur u krijua forca rezerve e saj. Dhe po ashtu ai kërkoi me vullnet të plotë dhe dëshirë të madhe të ishte pjesë e misionit të atyre 30 engjëjsh që përlotën mbarë Italinë.

Vendimi i qeverisë shqiptare për të dërguar 30 mjekë dhe infermierë në Itali u përshëndet nga i gjithë populli dhe autoritetet italiane. Pa dashur të fikim të parët “qirinjtë e tortës”, nisur nga rasti i Ismailit, por edhe nga deklarata e drejtorit të spitalit të Breshias i cili tha dje se ata ende nuk janë gati për punë, pa kaluar njëherë në testim, jemi ende kuriozë të dimë se cila do të jetë përgjigjia e autoriteteve shqiptare, kur italianët të shohin CV-në e Ismailit. Kushedi, ndoshta edhe në Breshia kanë nevojë për pompist…

(A.B. Dosja.al)

Shto Koment