Showbiz

“Dashuri, Shpresë dhe Dritë”, Angela Martini dhuron 30.000 euro për të prekurit nga tërmeti në Shqipëri

Përmes një postimi në rrjetet sociale,  Angela ka treguar edhe faturën e donacionit që ajo ka dhënë për Shqipërinë,30 mijë euro,  ndërsa ka bërë edhe një shkrim mjaft perekës, për të gjithë  të prekurit nga tërmeti.
Featured image of article: “Dashuri, Shpresë dhe Dritë”, Angela Martini dhuron 30.000 euro për të prekurit nga tërmeti në Shqipëri Angela Martini

TIRANË- Shumë artistë të njohur, shqiptarë të Shqipërisë, të Kosovës dhe Maqedonisë kanë dhënë kontributin e tyre për gjendjen delikate që ndodhet Shqipëria pas tërmetit shkatërrues të 26 nëntorit.

Grupit të këtyre personazheve të njohur që kanë kontribuar për Shqipërinë i është bashkuar edhe modelja e njohur, Angela Martini.

Përmes një postimi në rrjetet sociale,  Angela ka treguar edhe faturën e donacionit që ajo ka dhënë për Shqipërinë,30 mijë euro,  ndërsa ka bërë edhe një shkrim mjaft perekës, për të gjithë  të prekurit nga tërmeti.

“Tragjeditë qenkan më të dhimbshme kur flasin gjuhën tënde…dhe e vetmja gjë për të cilën lutem këto ditë është Dashuri, Shpresë dhe Dritë për vendin tim. 🙏 Ndoshta shumë gjëra koha do të na ndihmojë t’i harrojmë, por e sigurt që nuk do të harrojmë këtë forcë dhe solidaritet që kemi treguar ne si komb dhe të gjithë miqtë tanë për ne në këto ditë dhimbje. Prandaj nëse nuk e ke bërë ende, solidarizohu dhe ti – ndihmo dike të mos jetë vetëm, duke dhuruar në platformën https://e-albania.al/donate/”,- ka shkruar Angela.

Tërmeti i 26 nëntorit rezultoi tragjik. 51 persona humbën jetën, 913 u plagosën, 47 u nxorrën gjallë nga rrënojat. 22 persona ende janë të shtruar në spitalin e Traumës.

A.C/Dosja.al

Shto Koment