Bota

DASH nuk ndalet, pas shpalljes “non grata” të Berishës, ‘dënon’ edhe 5 zyrtarë në Bullgari: Kanë qenë të përfshirë në akte korruptive

Në një njoftim në faqen zyrtare të DASH, thuhet se Alexander Manolev, Petar Haralampiev, Krasimir Tomov, Delyan Slavchev Peevski, si dhe Ilko Dimitrov Zhelyazkov kanë qenë të përfshirë në akte korruptive, duke minuar shtetin e së drejtës, si dhe besimin te qytetarët.
Featured image of article: DASH nuk ndalet, pas shpalljes “non grata” të Berishës, ‘dënon’ edhe 5 zyrtarë në Bullgari: Kanë qenë të përfshirë në akte korruptive DASH

DASH- Departamenti Amerikan i Shtetit ka shpallur “Non grata” 5 zyrtarë dhe ish-zyrtarë të Bullgarisë. Në një njoftim në faqen zyrtare të DASH, thuhet se Alexander Manolev, Petar Haralampiev, Krasimir Tomov, Delyan Slavchev Peevski, si dhe Ilko Dimitrov Zhelyazkov kanë qenë të përfshirë në akte korruptive, duke minuar shtetin e së drejtës, si dhe besimin te qytetarët. Më tej, thuhet se këta kanë përdorur ndikimin e tyre politik dhe të pushtetit për përfitime personale.

“Në postet e tyre si Zëvendës Ministër i Ekonomisë, Drejtor i Agjencisë Shtetërore për Bullgarët jashtë vendit dhe Kryesekretar i Agjencisë Shtetërore për Bullgarët jashtë vendit, përkatësisht, Manolev, Haralampiev dhe Tomov ishin të përfshirë në akte korruptive që minonin shtetin e së drejtës dhe besimin e publikut bullgar në institucionet demokratike të qeverisë së tyre dhe proceset publike, duke përfshirë përdorimin e ndikimit të tyre politik dhe pushtetit zyrtar për përfitime personale”, thuhet ndër të tjera në njoftimin e DASH.

Për më shumë bëhu pjesë e grupit më viral në Facebook, Dosja.al

Ndërkohë që disa ditë më parë, DASH shpalli “Non grata” ish-kryeministrin shqiptar Sali Berisha dhe gjithë familjen e tij. DASH deklaroi se Berisha në kohën që ka qenë në pushtet, ka përdorur pushtetin e tij për përfitime vetiake, si dhe ka qenë i përfshirë në akte korruptive, ndërkohë që, vetë Berisha i quajti këto akuza si të rreme dhe të pabaza.    

(I.A/dosja.al)

Shto Koment