Sport

Dalin përfundimet e para të hetimeve, Sala u helmua para rrëzimit vdekjeprurës të aeroplanit

Futbollisti i Cardiff City po rrugëtonte drejt  klubit të tij pasi nënshkroi një kontratë me ta në janar kur aeroplani Piper Malibu u zhduk nga radarët.
Featured image of article: Dalin përfundimet e para të hetimeve, Sala u helmua para rrëzimit vdekjeprurës të aeroplanit Foto ilustruse

Emiliano Sala dhe piloti David Ibbotson u helmuan nga nivelet toksike të monoksidit të karbonit përpara se avioni i tyre të binte në Kanalin anglez.

Futbollisti i Cardiff City po rrugëtonte drejt  klubit të tij pasi nënshkroi një kontratë me ta në janar kur aeroplani Piper Malibu u zhduk nga radarët.

Hetimet filluan më 21 janar, pas zhdukjes së futbullistit, ndërsa mbejtjet e avionit dhe trupi i Sala u gjet më 3 shkurt.  Përpjekjet e shpëtimit tërhoqën trupin e Sala nga rrënojat, por trupi i Z. Ibbotson ende nuk është gjetur.

Hetimet për shkakun e vdekjes së Sala duket se kanë avancuar dhe Dega e Hetimit të Aksidenteve Ajrore ka lëshuar ​​një deklaratë ku zbulon se testet e toksikologjisë në trupin e Sala kanë nxjerrë se ai ishte ekspozuar ndaj niveleve të dëmshme të helmimit me monoksid karboni para vdekjes së tij.

 “ Nga ky hetim special del se ka pasur rrezik të ekspozimit ndaj monoksidit të karbonit si në aeroplanë ashtu edhe me turbinë. Testet e toksikologjisë zbuluan se futbollisti Sala kishte një nivel të lartë të ngopjes të COHb (produkti i kombinuar i monoksidit të karbonit dhe hemoglobinës) në gjak. Kur hetimi ynë të ketë përfunduar, ne do të botojmë një raport përfundimtar.”-deklaroin grupi i hetimeve.

Ndërsa pas publikimit të ekspertizës së parë ka reaguar avokati i familjes Sala: Familja dhe publiku duhet të dinë se si monoksidi i karbonit ishte në gjendje të hynte në kabinën. Siguria e ajrit në të ardhmen mbështetet në njohjen sa më shumë të kësaj çështje.

Burimi: INDEPENDENT

(D.K/Dosja.al)

 

Shto Koment