Showbiz

Dalin në shitje bluzat e dizenjuara nga Dua Lipa, fitimet shkojnë për familjet e prekura nga tërmeti në Shqipëri

Përmes rrjeteve sociale, këngëtarja njoftoi se tashmë kjo linjë është në treg, ndërsa bëri thirrje për blerjen e tyre, me qëllim që fitimet t’u vinin në ndihmë Shqipërisë.
Featured image of article: Dalin në shitje bluzat e dizenjuara nga Dua Lipa, fitimet shkojnë për familjet e prekura nga tërmeti në Shqipëri Dua Lipa

SHBA– Këngëtarja e famshme me origjinë shqiptare, Dua Lipa është një prej këngëtareve më të njohura të muzikës pop. Momentalisht ajo është duke mbledhur fonde për t’iu ardhur në ndihmë shqiptarëve, të cilët janë prekur nga tërmeti i fuqishëm i 26 nëntorit.

Dua Lipa ka treguar se ka zgjedhur të mbledhë të ardhura përmes shitjes së bluzave që tregojnë edhe situatën e veshtirë që po kalon Shqipëria.

Përmes rrjeteve sociale, këngëtarja njoftoi se tashmë kjo linjë është në treg, ndërsa bëri thirrje për blerjen e tyre, me qëllim që fitimet t’u vinin në ndihmë Shqipërisë.

Foto e postuar nga Dua Lipa

Në këto bluza gjendet mbishkrimi “Lutje për Shqipërinë”, ndërsa 100 për qind e fitimeve do të dedikohen për të prekurit nga tërmeti në Shqipëri.

“Ndihma juaj është e nevojshme. Edicioni i limituar i bluzave “Pray for Albania” në bashkëpunim me Bond!!! 100 për qind e fitimeve shkojnë tek familjet dhe të prekturit nga tërmeti shkatërrues në Shqipëri, që ndodhi më 26 nëntor. Bleje një bluzë dhe ndihmo në rindërtimin e një shtëpie dhe komuniteti”, ka shkruar ndër të tjera Dua.

Tërmeti i 26 nëntorit rezultoi tragjik. 51 persona humbën jetën, 913 u plagosën, 47 u nxorrën gjallë nga rrënojat. 22 persona ende janë të shtruar në spitalin e Traumës.

(a.m/dosja.al)

Shto Koment