Politike

Dalin DOKUMENTAT/ Zbardhet gënjeshtra e Postës Shqiptare, letra e Kajmakut u dërgua në Prezë (FOTOT)

Dosja.al mëson se thirrja e Prokurorisë për gjurmët e gishtave të Kajmakut është nisur nga Posta Shqiptare që më datë 26 gusht. Por kërkesa e organit të akuzës nuk ka pasur për destinacion Bashkinë Vorë apo banesën e Kajmakut, por Prezën. 
Featured image of article: Dalin DOKUMENTAT/ Zbardhet gënjeshtra e Postës Shqiptare, letra e Kajmakut u dërgua në Prezë (FOTOT) Agim Kajmaku dhe Posta Shqiptare

TIRANËDosja.al ka siguruar dokumentat që “hedhin dritë” mbi përplasjes mes Prokurorisë dhe Postës Shqiptare lidhur me debatin për shenjat e gishatve të kryebashkiakut të Vorës, Agim Kajmakut.

Bazuar në dokumentet dhe datat e tyre, Dosja.al mëson se thirrja e Prokurorisë për gjurmët e gishtave të Kajmakut është nisur nga Posta Shqiptare që më datë 26 gusht. Por kërkesa e organit të akuzës nuk ka pasur për destinacion Bashkinë Vorë apo banesën e Kajmakut, por Prezën. 

E nisur nga Tirana më datë 26 gusht, kërkesa mbërriti në Prezë më datë 27, ku nuk u pranuar dhe u kthye pas për t’u postuar në adresën e vendosur në letër, atë të Bashkisë Vorë.

Për më shumë bëhu pjesë e grupit më viral në Facebook, Dosja.al

Pasi letra e postuar mbërrin në Vorë, mbahet një ditë atje dhe më pas niset tek zyra e kryebashkiakut Kajmaku më datë 29,  pas plot 72 orësh.

Mister mbetet fakti se përse letra që organi i akuzës ka nisur për Kajmakun është nisur fillimisht drejt Prezës. Ndërkohë që Posta në reagimin e saj, gënjeu duke u shprehur se Kajmakut i ishte dërguar letra, për arsye që ende nuk dihen.   

Ndërkohë Prokuroria e Përgjithshme ka treguar të gjitha veprimet që kishte bërë për çështjen e Kajmakut, duke u shprehur se Posta Shqiptare kishte ngatërruar adresën. Menjëherë reagoi edhe Posta Shqiptare, e cila  deklaroi se dërgesa e Prokurorisë është dërguar në zyrën e kryebashkiakut Kajmaku brenda 72 orësh dhe është firmosur nga sekretarja.

Prej disa kohësh, demokratët akuzojnë Kajmakun se është arrestuar për falsifikim parash në Greqi dhe më pas është arratisur drejt Shqipërisë, duke e lenë çështjen të hapur. Kajmaku mohon akuzat, ndërsa PD i kërkon largimin pasi preket nga ligji për dekriminalizimin, me fshehjen e arrestimit në formular.

(k.m/dosja.al)

Shto Koment