Aktualitet

Daja: Të mbyllen klubet dhe pishinat, po shtojnë rastet me Covid-19, në muajin e Ramazanit kishte të infektuar që shkonin në xhami, uleshin e flisnin…

E ftuar në “Repolitix”, Daja tha se është shumë e rrezikshme edhe të shkosh në restorante dhe stadiume.
Featured image of article: Daja: Të mbyllen klubet dhe pishinat, po shtojnë rastet me Covid-19, në muajin e Ramazanit kishte të infektuar që shkonin në xhami, uleshin e flisnin… Rovena Daja

TIRANË– Epidemiologia Rovena Daja deklaroi se baret, klubet e natës dhe pishinat duhet të jenë të mbyllura pasi rrisin përhapjen e Covid-19 dhe mundësinë për t’u infektuar me koronavirus.

E ftuar në “Repolitix”, Daja tha se është shumë e rrezikshme edhe të shkosh në restorante dhe stadiume.

Ajo madje shtoi se gjatë muajit të Ramazanit, ka pasur persona pozitivë me Covid-19, që shkonin në xhami, pavarësisht këtyre gjërave.

Ka pasur besimtarët që kanë qenë pozitivë gjatë muajit të Ramazanit, persona që frekuentonin të njëjtën xhami e që kishin lidhje me njëri-tjetrin,”- tha Daja ndër të tjera.

Për më shumë bëhu pjesë e grupit më viral në Facebook, Dosja.al

Ndërsa anëtarja e Komitetit Teknik Gjeorgjina Kuli tha se uji i detit nuk e transmeton.

“Aktivitetet me shumë risk janë ngrënia në një bufe ose ambient të ngushtë, palestrat edhe pse duhet të jenë shumë mirë të ajrosura. Pse të mos shkoni në det dhe jo pishina, të uleni në rërë dhe të mos përdorni shezlongë të të tjerëve. Uji i detit nuk e transmeton,”– tha anëtarja e Komitetit Teknik Gjeorgjina Kuli.

Ndërkohë, ditën e sotme është rënduar sërish bilanci i COVID-19. Gjatë orëve të fundit kanë humbur jetën 2 pacientë tek Infektivi, shkon në 83 numri i viktimave. Po kështu janë konfirmuar 68 raste të reja. Harta është zgjeruar në 13 qytete. Në spitalin infektiv janë 83 pacientë, nga të cilët 4 janë në gjendje të rëndë.

(f.m/dosja.al)

Shto Koment