Politike

CV-ja ‘brilante’ e kryebashkiakut të Durrësit, Zhuljen Varfaj probleme me shqipen, shkronja ‘ë’ s’ekziston (DOKUMENTI)

Jetëshkrimi i Zhuljen Varfajt lë për të dëshiruar. Nëse i hedh vetëm një sy dokumentit në pamje të parë duhet i pa-strukturuar, por jo vetëm kaq edhe me shumë probleme drejtshkrimore.
Featured image of article: CV-ja ‘brilante’ e kryebashkiakut të Durrësit, Zhuljen Varfaj probleme me shqipen, shkronja ‘ë’ s’ekziston (DOKUMENTI) Xhuljen Varfaj

Tiranë- Zhuljen Varfaj, prej dy ditësh ka marrë në drejtim një nga bashkitë kryesore të vendit, atë të Durrësit, pas dorëheqjes së Valbona Sakos.  Duhet të themi se ai është “krahu i djathë” i ish-kryebashkiakut Vangjush Dakos.

Dosja.al i ka bërë një vështrim të thjeshtë jetëshkrimit të  Varfajt, në të cilën përveç  problemeve me strukturimin, vihen re edhe probleme me gjuhën shqipe.  Në dokumentin e mëposhtëm, duken qartë gabimet drejtshkrimore dhe përveç tyre në të nuk ekziston shkronja ‘ë’ e alfabetit.

Një ditë më parë Dosja.al siguroi raportin mjekësor me të cilin është pajisur kreu i Bashkisë së Durrës, ku  sipas të cilit, ai s’duhet të paraqitet në punë deri më datën 7 dhjetor të këtij viti. Raporti citon mjaft qartë që Zhuljen Varfaj nuk është në gjendje të punojë për 18 ditë, që nga data ku është marrë raporti (19 nëntor 2019), për shkak të gjendjes së tij të rëndë shëndetësore. Por pavarësisht se ishte i sëmurë, Varfajt i ka kaluar automatikisht detyra pas dorëheqjes së Sakos.

Kush është Zhuljen Varfaj

Varfaj është një nga personat më të besuar të Vangjush Dakos, i cili e ka mbajtur pranë përgjatë 12 viteve që ka qeverisur Durrësin. Zhuljen Varfaj nuk është një emër i panjohur për durrsakët dhe për mediat gjithashtu. Deri më tani, Zhuljen Varfaj ka disa akuza që i rëndojnë mbi supe për të cilat ende nuk është marrë një vendim.

Në janar të këtij viti emisioni “Stop” trajtoi rastin e tenderit të autobusëve në bashkinë e Durrësit, ku pretendohej se Bashkia kishte skualifikuar pa të drejtë kompaninë “Vata trans”. Anëtar i Komisionit Vlerësues ka qënë edhe Nënkryetari i Bashkisë, Zhuljen Varfaj. Në 2013, shoferi i tij, Ëngjëll Taulla merrte nga 500 mijë lekë, duke përdorur emrin e nënkryetarit dhe mashtronte qytetarët se do t’i ndihmonte ata në zgjidhjen e problemit të strehimit.

Ish-kryebashkiakja e Durrësit Valbona Sako dha dorëheqjen nga posti i saj pas gafave të bëra në dy deklarata që dha publikisht. Pak pas saj, në mbledhjen e Këshillit Bashkiak dorëheqjen e dha edhe nënkryetarja Etleva Kondi

J.V/Dosja.al

Shto Koment