Rajoni

COVID-19/ Shkon në 3 numri i viktimave në Kosovë

Shkon në 3 numri i viktimave në Kosovë nga COVID-19. Ministria e Shëndetësisë në Kosovë, ka bërë me dije se dy viktimat, një burrë dhe një grua, vuanin edhe nga sëmundje të tjera, si diabet, hipertension.
Featured image of article: COVID-19/ Shkon në 3 numri i viktimave në Kosovë Foto ilustruese

Kosovë- Mëngjesin e sotëm dy persona kanë humbur jetën në Kosovë, pasi u infektuan me COVID-19.  Lajmin e ka bërë të ditur Ministria e Shëndetësisë në Kosovë, e cila njofton se dy viktimat, një burrë dhe një grua vuanin edhe nga sëmundje të tjera, si diabet, hipertension. Numri total i viktimave në Kosovë ka shkuar në 3.

Njoftimi i MSH:

“Sot me datë 06.04.2020 në Klinikën Infektive të QKUK-së dy pacientë me COVID 19 kanë përfunduar me vdekje. Në ora 03:00 ka përfunduar me vdekje pacienti i gjinise mashkull S. N, 1961, Prishtinë, i cili është pranuar në Mjekimin Intenziv të Klinikës Infektive me datën 04. 04. 2020 transfer nga Qendra Emergjente e QKUK-së dhe ka qenë me sëmundje shoqëruese (Diabetes Mellitus tip 2. Sy hepatorenale). Pacienti është pranuar në Klinikën Infektive në gjendje të rendë pa vetëdije. Në ora 07:10 ka përfunduar me vdekje pacientja e gjinisë femer, N. R, 1950, Korishë, Prizren, e cila është pranuar po ashtu në Mjekimin Intenziv të Klinikës Infektive me datën 02. 04.2020 dhe ka pasur sëmundje shoqëruese (Diabetes Mellitus, Nephropathia diabetica, Hypertensio arterialis dhe Cardimyopathia chronica)”, thuhet në njoftimin e MSH-së.

Për më shumë bëhu pjesë e grupit më viral në Facebook, Dosja.al

Ndërkohë, numri total i të infektuarve në Kosovë ka shkuar në 145. Që nga fillimi i epideimisë, në Laboratorin e Mikrobiologjisë Molekulare në IKSHPK janë testuar gjithsej 1.964 persona.

J.V/Dosja.al

Shto Koment