Politike

COVID-19/ Rama publikon hartën: Shikoni sesa shpejt ka vepruar Shqipëria në rang evropian!

Rama ka publikuar një hartë, ku sipas tij, Shqipëria ka mbyllur menjëherë shkollat pas përpërhapjes së koronavirusit.

Tiranë- Mëngjesin e sotëm kryeministri Edi Rama ka publikuar në “Facebook” një hartë, që sipas tij, tregon sa shpejt ka vepruar Shqipëria në rang evropian për ngadalësimin e përhapjes së koronavirusit. Në hartë tregohet se Shqipëria i ka mbyllur shkollat më datën 9 mars, vendim i marrë ky,  disa ditë para se ta merrnin vendet e tjera.

“NË KËTË HARTË QË TREGON KRONOLOGJINË E MBYLLJES SË SHKOLLAVE, MUND TË SHIHET SE SA SHPEJT KA VEPRUAR SHQIPËRIA NË RANG EUROPIAN!”, shkruan Rama.

Për më shumë bëhu pjesë e grupit më viral në Facebook, Dosja.al

Bilanci i COVID-19 në Shqipëri ka shkuar në 38 të prekur. Dy të moshuar, në Fier dhe në Lushnje, janë shtruar në terapi intensive pasi kanë pasur komplikacione me shëndetin. Disa ditë më parë një prej të prekurve, ndërroi jetë në Spitalin e Durrësit ndërsa deri më tani vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier. Mes të infektuarve është dhe një mjek, i cili i kishte shërbyer të moshuarës që ndërroi jetë në Durrës. Ndërkohë jeta në vend është paralizuar thuajse totalisht, nuk ka transport publik, po ashtu dhe shumë vende punë janë mbyllur. Shumë qytete janë në ‘shtet-rrethim’ dhe është ndaluar dhe lëvizja e makinave private. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.

Shto Koment