Aktualitet

COVID-19 “pushton” institucionet publike/ Mbyllet ISHP në Durrës, infektohen 3 punonjës të bashkisë Kavajë dhe shefi i Rrugores në Elbasan

Shumë punonjës të intitucionet publike kanë rezultuar të infektuar me COVID-19 gjatë orëve të fundit. Raste të reja janë konfirmuar në bashkinë e Kavajës, ISHP-në e Durrësit, në kopshtin "Skënderbej" në Lezhë dhe në Policinë e Elbasanit.
Featured image of article: COVID-19 “pushton” institucionet publike/ Mbyllet ISHP në Durrës, infektohen 3 punonjës të bashkisë Kavajë dhe shefi i Rrugores në Elbasan Foto nga institucionet

TIRANË- COVID-19 “pushton” institucionet e vendit. Në 24 orët e fundit kanë rezultuar të infektuar punonjës të bashkisë Kavajë, drejtorisë së Shëndetit Publik në Durrës, një edukatore e kopshtit “Skënderbej në Lezhë dhe një shef në Drejtorinë e Policisë së Elbasanit.

Mëngjesit e sotëm Dosja.al raportoi se në Lezhë është mbyllur kopshti “Skënderbej”, pasi rezultoi e inkfektuar një nga edukatoret. Të njëjtat burime bëjnë me dije se nga virusi është prekur dhe burri i edukatores, i cili është shitës ambulant pranë kopshtit.

Po kështu, është mbyllur edhe Drejtoria e Shëndetit Publik në Durrës. Në këtë institucion rezultuan të infektuar 3 punonjës. Menjëherë nga ky institucion janë larguar të gjithë punonjësit, pasi kanë frikë se mos infekohen. I fundit që ka ikur në banesën e tij, është shoferi i ambulancës, i cili transporton personelin që merr tamponët.

Për më shumë bëhu pjesë e grupit më viral në Facebook, Dosja.al

Sakaq, të infektuar rezultuan edhe 3 punonjës të bashkisë së Kavajës. Ndërkohë në këtë institucion ka filluar edhe dezinfektimi i zyrave. Por, së fundmi ka rezultuar i infektuar edhe kreu i Policisë Rrugore në Drejtorinë e Policisë së Elbasanit. ISHP është duke hetuar se si është infektuar kryepolici rrugor i Elbasanit.

Javët e fundit është rritur sërish numri i të infektuarve dhe viktimave. Ministria e Shëndetësisë njoftoi sot gjatë orëve të fundit kanë humbur jetën edhe 3 viktima. Kështu numri total i viktimave ka shkuar në 62. Ndërkohë janë konfirmuar 69 raste të reja me COVID-19. Lajmi i mirë për sot është se janë 25 persona të shëruar. Ministria apelon për ruajtjen e distancës sociale dhe mbajtjen e maskës.

J.V/Dosja.al 

Shto Koment