Aktualitet

COVID-19/Paralajmërimi i Lleshajt: 1200 qytetarë janë ndëshkuar, qëndroni në shtëpi, përndryshe do të ashpërsohen masat

VIDEO
Lleshaj ka parlajmëruar qytetarët që nëse nuk respektohen rregullat e vendosura nga qeveria do të ashpërsohen masat për shkelësit.
Featured image of article: COVID-19/Paralajmërimi i Lleshajt: 1200 qytetarë janë ndëshkuar, qëndroni në shtëpi, përndryshe do të ashpërsohen masat Aksionet e policisë
Përditësuar:

Tiranë-Ministri i Brendshëm, Sandër Lleshaj iu ka bërë thirrje shqiptarëve që të respektojnë masat e marra nga qeveria për COVID-19 dhe të qëndrojnë në shtëpitë e tyre. Ministri paralajmëron se nëse masat e vendosur nuk respektohen do të ashpërsohen ndëshkimet për shkelësit. Ai njofton se rreth 1200 qytetarë janë ndëshkuar me masë administrative 10 mijë lekë, pasi kanë lëvizur me këmbë apo biçikletë pa ndonjë arsye emergjente.

“Rreth 1200 qytetarë janë ndëshkuar me masë administrative 10 mijë lekë, pasi janë konstatuar nga shërbimet policore apo njoftuar përmes telefonatave në 112 ose Komisariatin Dixhital, duke lëvizur me këmbë apo biçikletë pa arsye a emergjencë. E vetmja mënyrë për të shpëtuar veten e familjarët tuaj është të qëndroni në shtëpi. NUK ka zgjidhje tjetër. Në të kundërt, masat policore për ndëshkimin e shkelësve, do të jenë më të ashpra e të forta. ASKUSH nuk do të tolerohet.”, shprehet Lleshaj.

Për më shumë bëhu pjesë e grupit më viral në Facebook, Dosja.al

Orari i lejuar për qytetarët për lëvizur gjatë ditës është nga ora 05:00 e mëngjesit deri në 13:00 të mesditës. Ndërkohë në Shqipëri janë infektuar 174 persona me Covid-19, mes tyre 4 fëmijë dhe 6 viktima. 17 nga të prekurit janë shëruar, harta e infektimit është zgjeruar. Tropoja i bashkohet listës me 2 të infektuar, ndërsa epiqendra është në Tiranë me 102 të infektuar. 12 mjekë dhe infermierë janë prekur, ndërkohë që Spitali Infektiv, COVID1 po mbush kapacitetet me 73 shtretër. Qytetarët duhet të qëndrojnë brenda.

J.V/Dosja.al 

Shto Koment