Bota

COVID-19 në Francë/ Emanuel Macron: Bilanci i viktimave po ulet, izolimi do të vazhdojë deri më 11 Maj

Ai është shprehur që është i vetëdijshëm se kjo gjë do të sjellë pasoja pasi të gjithë kanë nevojë të dalin dhe të rikthehen në punë, por ka kërkuar edhe mirëkuptimin e qytetarëve pasi sipas tij kjo është e vetmja mënyrë për të penguar përhapjen e koronavirusit. 
Featured image of article: COVID-19 në Francë/ Emanuel Macron: Bilanci i viktimave po ulet, izolimi do të vazhdojë deri më 11 Maj Emanuel Macron, President i Francës

FRANCË– Presidenti francez Emanuel Macron, ditën e sotme është shprehur se masat kufizuese për parandalimin e Covid-19 do të vazhdojnë deri më 11 Maj.

Ai është shprehur që është i vetëdijshëm se kjo gjë do të sjellë pasoja pasi të gjithë kanë nevojë të dalin dhe të rikthehen në punë, por ka kërkuar edhe mirëkuptimin e qytetarëve pasi sipas tij kjo është e vetmja mënyrë për të penguar përhapjen e koronavirusit. 

Deri tani numri i viktimave në Francë ka shkuar në 15 000 në total, ku 574 kanë humbur jetën vetëm në 24 orët e fundit.

Në rang global numri i personave të infektuar ka shkuar në 1.882,164, ndërkohë janë shënuar 117,397 viktma. Ndërsa, 437,306 të tjerë kanë fituar betejën me COVID-19. Amerika zë vendin e parë në botë për numrin e viktimave dhe të të sëmurëve. Aktualisht në SHBA ka humbur jetën 22.850 persona dhe 564,317 të tjerë janë të infektuar.

Për më shumë bëhu pjesë e grupit më viral në Facebook, Dosja.al

Ndërsa Kina po sheh sërish një rritje të rasteve të reja. Virusi po ‘bën kërdinë’ në Itali, pasi atje numri i viktimave ka shkuar në 20,465 dhe të infektuar janë mbi 159 mijë persona. Spanja zë vendin e tretë në botë për numrin e viktimave dhe të infektuarve, 17,489 persona të vdekur dhe rezultojnë të prekur nga virusi mbi 169 mijë të tjerë.

Burimi:Ansa

(A.K.Dosja.al)

Shto Koment