Bota

Covid-19 ‘mbërthen’ thertoret e mishit në të gjithë botën! Kaos në SHBA, preken më shumë se mbi 180 kasaphane

Por rasti më kaotik është i Shteteve të Bashkuara, me mbi 180 thertore të prekura, por situata të ngjashme raportohen në Irlandë, Spanjë, Gjermani, Mbretërinë e Bashkuar, Kanada, Brazil dhe Australi.
Featured image of article: Covid-19 ‘mbërthen’ thertoret e mishit në të gjithë botën! Kaos në SHBA, preken më shumë se mbi 180 kasaphane Foto Ilustruese

SHBA– Ben Lilliston nga Instituti Britanik për Bujqësi dhe Politikë Tregtare ka përshkruar situatën në të cilën ndodhen thertoret e mishit në të cilat janë kthyer në vatra të shpërthimit të infeksionit prej koronavirusit në shumë vende të botës. Kjo tashmë është kthyer në shqetësim për autoritetet shëndetësore, pasi shumë thertore të mishit kanë vazhduar punë gjatë gjithë pandemisë dhe kjo ka favorizuar përhapjen e koronavirusit, brenda dhe jashtë.

Por rasti më kaotik është i Shteteve të Bashkuara, me mbi 180 thertore të prekura, por situata të ngjashme raportohen në Irlandë, Spanjë, Gjermani, Mbretërinë e Bashkuar, Kanada, Brazil dhe Australi.

Sipas The Guardian, përhapja e Covid-19 është shtuar për shkak të hapjes së tyre pasi shpesh kasapët kanë punuar pa veshjet e duhura mbrojtëse dhe pa dezinfektime, thertoret janë kthyer në bomba sociale.

Në Shtetet e Bashkuara, 5,000 raste dhe 20 vdekje u regjistruan në fund të prillit në thertoret e vendit. Sipas Qendrës Midëest për Raportime Investigative, infeksionet aktuale të lidhura me thertore duhet të jenë më shumë se 10,000.

Për më shumë bëhu pjesë e grupit më viral në Facebook, Dosja.al

Vetëm në disa therore në Dakotën e Jugut në SHBA u infektuan 1850 punëtorë sepse, sipas autoriteteve shëndetësore, ata vazhdonin punën pavarësisht simptomave dhe kjo për arsye ekonomike familjare dhe teska kompanitë iu kishin ofruar deri 500 dollarë shpërblime për punonjësit që do të vazhdonin të punonin, pavarësisht shëndetit të tyre.

Në Evropë, situata në Gjermani është shqetësuese, ku mbi 300 punëtorë, shumë prej tyre emigrantë, u sëmurën në thertoren industriale Müller Fleisch në Birkenfeld. Në Spanjë ka pasur mbi 200 raste në një thertore afër Aragonit, ndërsa në Irlandë ka mbi 560 raste, në 10 thertore.

 (A.K.Dosja.al)

Shto Koment