Aktualitet

“COVID-19 ka pësuar mutacion”/ Epidemiologu Alimehmeti tregon pse po infektohen shumë persona: Izolimi i popullatës nuk e la virusin…

Sipas tij, mbyllja herët e popullatës në muajin mars nuk e la virusin të kishte një ecuri natyrore.
Featured image of article: “COVID-19 ka pësuar mutacion”/ Epidemiologu Alimehmeti tregon pse po infektohen shumë persona: Izolimi i popullatës nuk e la virusin… Ilir Alimehmeti

TIRANË- Epidemiologu Ilir Alimehmeti ka deklaruar në emisionin “Byro Politike” se COVID-19 ka pësuar mutacion dhe mendohet se tashmë lloji i ri i tij po qarkullon edhe në Shqipëri. Sipas tij varianti i ri i Covid, nuk duket të jetë më i rëndë se sa varianti i parë i tij. Ai theksoi më tej se  mbyllja herët e popullatës në muajin mars nuk e la virusin të kishte një ecuri natyrore.

Deklarata e mjekut:

Në Shqipëri duhet të marrim parasysh disa pika: Së pari ne masat i morëm shumë më shpejt në kurbën e epidemisë në krahasim me si i morën ato shtet si Italia apo si Spanja. Ne pamë çfarë u ndodhi atyre dhe u mbyllëm më herët dhe nuk lamë një ecuri natyrore në mars.

Kujtoj që Italia e bëri mbylljen pasi kishte 800 të vdekur. Ajo që po shohim tani është një ecuri natyrore e virusi, shoqëri krejtësisht e hapur por duke marrë parasysh që të paktën në ndërgjegjen, jo e të gjithëve, por e një pjese të popullatës, distanca ka hyrë, higjiena ka hyrë, logjika e përdorjes së maskave ka hyrë.

Në mars ishim naiv në këtë drejtim dhe nuk i kishim këto. Dua të kujtoj një element, vëzhgimi klinik, ne nuk e bëjmë në Shqipëri ngarkesën virale, nuk kemi shifra nuk mund ta themi dot këtë.

Për më shumë bëhu pjesë e grupit më viral në Facebook, Dosja.al

Ka gjasa që të jemi ngjashëm me shtetet e tjera por nuk e kemi këtë matje, por ajo që mund të shohim është përqindja e pacientëve që kanë nevojë për hospitalizim, ndërkohë që në mars kjo përqindje ishte mbi 50% duke arritur edhe 58 %, sot që flasim është diku 6.6%. këto 6.6 % janë njësoj rëndë si ata 50 % e marsit. Kush është rëndë, është rëndë.

Nëse infektohen 100 mijë njerëz, 6 % e 100 mijë njerëzve është 6 mijë vetë, dhe 50 % e 100 vetëve është 50 persona.

Kemi edhe mutacionin që ka pësuar virusi, është bërë më i transmetueshëm, që ka gjasa që ky lloj është në Shqipëri në këtë moment, ai dominon, por nga krahu tjetër nuk duket të jetë më i rëndë, se sa varianti i mëparshëm i virusit. 

J.V/Dosja.al

Shto Koment