SPAK pushton Bashkinë e Tiranës, 8 flet-arreste për “3 Drejtorët” e Veliajt, Qato dhe Molla në burg
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
Akuzohet për korrupsion dhe shpërdorim detyre, jepet sot masa e sigurisë për kryebashkiakun Jorgo Goro 26 Mars, 07:37 ...
Miratohet në Këshillin e Sigurimit rezoluta për armëpushim të menjëhershëm në Gazë, SHBA abstenon ...
TIRANË- Kreu i Partisë Demokratike, Lulzim Basha ka deklaruar se qeveria Rama ka dështuar me paketat ekonomike gjatë periudhës së pandemisë. Krydemokrati nënvizon se faktet tregojnë se është lëvruar vetëm 32% e fondit total të dy paketave të premtuara nga qeveria. Numri një i PD-së premton se sapo të vijë në pushtet do i kthejë frymëmarrjen ekonomisë.
“Lehtësimi i barrës fiskale, përgjysmimi i lejeve dhe liçencave dhe ulja e taksës së punës janë disa nga masat e para që do marrë qeveria jonë. Ne do të krijojmë kushtet ekonomike dhe sigurinë e nevojshme që investitorë të huaj me potenciale të mëdha punësimi të vijnë në Shqipëri.”, shprehet ndër të tjera Basha.
Postimi i plotë:
Pesë muaj pas mbylljes nga pandemia, është fakt që paketat ekonomike të qeverisë rezultuan gjysmake, të pamenduara dhe pa asnjë efekt për të lehtësuar krizën për qytetarët dhe bizneset. Ndihma reale për ekonominë nga qeveria Rama nuk arriti as në 1% e Prodhimit të Brendshëm Bruto duke u renditur e fundit në rajon. Faktet sot tregojnë se është lëvruar vetëm 32% e fondit total të dy paketave të premtuara nga qeveria.
Shqiptarët janë sot më të varfër se kurrë këto 30 vitet e fundit,qindra biznese të vogla kanë mbyllur dyert, mijëra qytetarë kanë humbur vendet e punës,qindra studentë e kanë të pamundur të perballojnë jetën studentore. Këtë vit shumë familje do ta kenë të pamundur të çojnë femijët në universitete për shkak të pamundësisë ekonomike. Ndërsa qeveritë në mbarë botën po vazhdojnë mbështetjen ekonomike dhe sociale për bizneset, qytetarët e veçanërisht të rinjtë qeveria e Shqipërisë ofron vetëm video 3D dhe propagandë.
PD që në ditët e para të karantinës, duke vlerësuar situatën dhe pas konsultimeve me ekspertët më të mirë në vend i ofroi qeverisë propozime konkrete për të parandaluar thellimin e krizës ekonomike si dhe strategjinë e daljes nga karantina. Por qeveria Rama refuzoi t’i marrë në konsideratë propozimet tona duke i lënë shqiptarët dhe ekonominë e tyre në mëshirën e fatit. Sepse si në ditët e para të pandemise dhe sot kur situata si shëndetësore dhe ekonomike është tejet e rënduar qeveria Rama mendon vetëm për veten dhe klientët e saj oligarkë.
Partia Demokratike është angazhuar seriozisht me ekspertët më të mirë vendas dhe të huaj për t’i kthyer frymëmarrjen vendit, për ta sjellë ekonominë në shinat e zhvillimit dhe siguruar punësimin e shqiptarëve. Punësimi mbetet prioriteti im kryesor dhe për ta garantuar këtë ne do të marrim vendimet dhe veprimet e nevojshme.
Lehtësimi i barrës fiskale, përgjysmimi i lejeve dhe liçencave dhe ulja e taksës së punës janë disa nga masat e para që do marrë qeveria jonë. Ne do të krijojmë kushtet ekonomike dhe sigurinë e nevojshme që investitorë të huaj me potenciale të mëdha punësimi të vijnë në Shqipëri.
Çlirimi i ekonomisë nga monopolet dhe oligarkët do t’i hapë rrugë tregjeve të lira, zhvillimit dhe punësimit të njerëzve. Pavarësisht vështirësive që po kalojmë, këto kohë jam i bindur se së bashku do t’ia dalim të sjellim #ditëmëtëmira për Shqipërinë dhe shqiptarët përmes një qeverie normale që punon për qytetarët dhe jo për një grusht oligarkësh
Ndërkohë, një raport i Bankës së Shqipërisë thekon se mbyllja e ekonomisë për gati tre muaj, me qëllim frenimin e përhapjes së koronavirusit ka dhënë një efekt të fortë në ekonomi. Sipas saj, shqiptarët po kërkojnë borxh për të shlyer borxhet. Qeveria pret që rënia këtë vit të jetë 4.3%, ndërsa pritshmëritë e institucioneve financiare variojnë nga -5% për FMN dhe Bankën Botërore, deri në -9% nga Banka Europiane për Rindërtim dhe Zhvillim (BERZH).
J.V/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË- Ish-kryeministri Sali Berisha ka publikuar një foto ku busti i Ibrahim Rugovës shfaqet në parkingun e një hoteli. Siç shihet edhe në foto, b...
TIRANË– Zv.kryeministri Erion Braçe ka falenderuar Zotin që më në fund, pas disa ditësh të tëra që Shqipëria ishte nën pushtetin e flakëve, zj...
TIRANË- Presidenti Ilir Meta ka firmosur sot 4 dekrete, duke shpallur 4 ligje. Në një njoftim të bërë nga Presidenca, mësohet se Meta ka dekretuar ndryshim...
TIRANË -Anëtarja e Task-Forcës anti-covid të ngritur nga opozita, Liljana Shyqyriu ka denoncuar numrin e ulët të tamponëve të kryer nga autoritetet shëndet...
TIRANË- Tenderi i fundit i uniformave të Policisë së Shtetit ka zbuluar një skemë të mirëfilltë përfitimi të parave publike me gara fiktive mes kompanive. ...
TIRANË– Kryeministri Edi Rama ka nisur pushimet e tij verore, edhe pse sapo ka humbur nënën e tij. Lapsi.al shkruan se kryeministri Rama ndodhet në vilën q...
MALËSI E MADHE- Kryetarja e Lëvizjes Socialiste për Integrim, Monika Kryemadhi ka shkuar në Malësinë e Madhe, ku edhe ka takuar lahutistin virtuoz Jonuz De...
TIRANË- Partia Demokratike dhe Lëvizja Socialiste për Integrim kanë denoncuar sot se kryeministri Edi Rama ka ndryshuar ligjin për zhvillimin rajonal dhe k...