Aktualitet

“8 policë të infektuar”, vetëm 7 raste të reja me COVID-19 në 24 orë. MSH: Janë 182 të shëruar, sot humbi jetën dhe një 85-vjeçar

416 të infektuar dhe 24 viktima dhe 182 të shëruar, ky është bilanci i deritanishëm i COVID-19 në Shqipëri. Mesditën e sotme ka humbur jetën babai i pacientit zero në Shkodër. Ky i fundit vuante edhe nga sëmundje të tjera.
Featured image of article: “8 policë të infektuar”, vetëm 7 raste të reja me COVID-19 në 24 orë. MSH: Janë 182 të shëruar, sot humbi jetën dhe një 85-vjeçar Foto ilustruese

SHQIPËRI– Ka shkuar në 416 numri i të prekurve nga koronavirusi në Shqipëri. Nga dita e djeshme duket se është shuar ‘vatra’ e infektimit në Elbasan, ndërkohë që raste të reja janë shënuar në Shkodër dhe në Tiranë.

Numri i personave që kanë humbur betejen me koronavirusin janë 24, ndërsa ‘fitimtarë’ kanë dalë plot 182 persona. Ditën e sotme humbi jetën një i infektuar në Shkodër, i cili vuante edhe nga sëmundje të tjera bashkëshoqëruese.

Nga 416 të infektuar në total në Shqipëri, 8 prej tyre janë efektivë të Policisë së Shtetit. ”Numri i efektivëve që janë të konfirmuar si raste pozitive është 8″, njoftoi Marjeta Dervishi, në emër të MSH në komunikimin e përditshëm me mediat.

Për më shumë bëhu pjesë e grupit më viral në Facebook, Dosja.al

Në spitalin Infektiv, aktualisht janë 50 të shtruar, 6 prej tyre janë në terapi intensive, dhe vetëm 1 prej tyre është i intubuar. Tek “Shefqet Ndroqi”, janë 6 pacientë të shtruar gjithsej, 4 prej të cilëve kanë intubuar.

Ditët e fundit, numri i të infektuarve ka qënë gjithmonë e më i vogël se zakonisht, duke shtuar shpresat se koronavirusi ka nisur kurbën rënëse. Një lajm të mirë ka dhënë së fundmi mjeku, Pëllumb Pipero, pasi është shprehur se kulmi i kurbës ka kaluar javën që lamë pas. 

(k.m/J.V/Dosja.al)

  • 17:51

    90-vjeçarja nga Hasi mposht koronavirusin, Rama: Edhe 120 tani nonë Nife!

    Një 90-vjeçare nga Hasi, e quajtur Nife është shëruar nga Covid-19. Lajmin e mirë e ka bërë me dije kryeministri Edi Rama, i cili ka publikuar edhe një foto të të moshuarës.

    Nënë Nifja

    Krahas fotos, kryeministri e uron të moshuarën që tashmë të mbushë 120 vjeçe, sepse 100, sipas Ramës, nuk bëhet fjalë që do t’i arrijë. “Lajm i mirë: nonë Nifja nga Hasi, plot 90 vjeç, u shërua. Tani edhe 120 të paktën o non, se 100 nuk bohet llaf,”- shkruan Rama krah fotos. 

  • 15:36

    Ministria sqaron vdekjen e pacientit të 24-të: Nuk kishte simptoma të COVID-19, ndërroi jetë si pasojë e një infarkti

    Ministria e Shëndetësisë ka sqaruar vdekjen e pacientit të 24-të nga COVID-19. Në një njoftim për mediat, ministria bën me dije se i moshuari nuk ka humbur jetën nga COVID-19, por ka ndërruar jetë si pasojë e infarktit të miokardit ditën e sotme. 

    Mw tej sqarohet se 85-vjeçari ka qenë bartës i COVID19, i konfirmuar gjatë hetimit epidemiologjik të kryer tek të gjithë anëtarët e familjes së tij në Shkodër, por ka qenë asimptomatik gjatë gjithë kohës, pra pa shenja të sëmundjes.

    “Lidhur me lajmin e publikuar në media për vdekjen e një pacienti me COVID19 në Shkodër, Ministria e Shëndetësisë dhe Mbrojtjes Sociale informon se: I moshuari 85-vjeçar, me inicialet E.L., i cili ka ndërruar jetë në banesën e tij në Shkodër, nuk ka humbur jetën si pasojë e COVID19. I moshuari, i cili prej dy muajsh qëndronte i palëvizur për shkak të një frakture koksofemorale dhe vuante nga diabeti mellitus, sëmundje kardiake dhe hipertension, ka ndërruar jetë si pasojë e infarktit të miokardit ditën e sotme. 

    85-vjeçari ka qenë bartës i COVID19, i konfirmuar gjatë hetimit epidemiologjik të kryer tek të gjithë anëtarët e familjes së tij në Shkodër, por ka qenë asimptomatik gjatë gjithë kohës, pra pa shenja të sëmundjes. 85-vjeçari ndiqej nga mjeku i familjes, i cili ka konfirmuar se shkaku i vdekjes është infarkti i miokardit.  Ministria e Shëndetësisë dhe Mbrojtjes Sociale i shpreh ngushëllime familjes së të ndjerit dhe siguron opinionin publik se do të informojë për situatën, sikundër ka bërë deri tani. Sqarojmë edhe një herë se 85-vjeçari, nuk është viktimë e COVID19 në Shqipëri”, shkruhet në njoftim.

  • 12:45

    2 infermierë në Tiranë fitojnë betejën me COVID-19, shkon në 30 numri i personelit mjekësor të shëruar

    Foto nga spitali Infektiv.

    Ministrja e Shëndetësisë, Ogerta Manastirliu ka njoftuar së fundmi se betejën me COVID-19 e kanë fituar edhe dy infermierë në Tiranë. Numri i personelit mjekësor të shëruar ka shkuar në 30.

    Çdo mjek, infermier dhe punonjës i sistemit shëndetësor që e fiton betejën me 🤜#COVID19🤛 është një lajm i mirë për të gjithë! Edhe 2️⃣ infermierë në Tiranë janë shëruar pas testit konfirmues në laboratorin e virologjisë në ISHP🙏🏼 Shkon në 3️⃣0️⃣ numri i personelit mjekësor të #shëruar nga COVID-19 ✅ Deri tani janë 1️⃣8️⃣2️⃣pacientë dhe staf mjekësor që e kanë fituar betejën me 🤜#COVID-19🤛#FORCA”, shprehet ajo në një postim në Facebook.

  • 11:57

    Shkon në 24 numri i viktimave nga COVID-19, humb jetën i infektuari në Shkodër

    Foto ilustruese

    Shkon në 24 numri i viktimave nga COVID-19 në vendin tonë. Mësohet se  gjatë  paradites së sotme ka ndërruar jetë babai i pacientit zero në Shkodër, i cili ndodhej në gjendje kome, pasi vuante edhe nga probleme të tjera shëndetësore. Ky është personi i dytë që vdes nga koronavirusi në Shkodër.

  • 11:41

    Ministria e Shëndetësisë e pranon: 8 policë janë të infektuar nga koronavirusi

    Një ditë pas “territ” informativ dhe dy komunikatave të përditshme ku nuk u dha asnjë informacion mbi policët e infektuar me koronavirus, Ministria e Shëndetësisë ka pranuar sot infektimin e tyre. Nga 416 të infektuar në total në Shqipëri, 8 prej tyre janë efektivë të Policisë së Shtetit. ”Numri i efektivëve që janë të konfirmuar si raste pozitive është 8″, njoftoi Marjeta Dervishi, në emër të MSH në komunikimin e përditshëm me mediat.

    Dosja.al publikoi dje të dhënat ekskluzive për gjendjen e panikut dhe frikës pas infektimit të 6 policëve të Drejtorisë së Policisë Tiranë. Ata ishin pjesë e togës së Dhomave të Shoqërimit dhe kanë patur kontakte të shumta me eprorët, kolegë e qytetarë.

    Një tjetër shqetësim sipas burimeve nga Policia e Tiranës, është mungesa e gjurmueshmërisë. ISHP nuk i ka izoluar të gjithë policët e kësaj toge dhe t’ju bëjë tamponin.

  • 10:50

    Shkodra ‘vatër e kuqe’ infeksioni/ 4 raste të reja gjatë orëve të fundit, nuk dihet se kush i ka infektuar

    Foto ilustruese

    Shkodra ende mbetet një ‘vatër e kuqe’ infeksioni. Gjatë 24 orëve të fundit janë shënuar edhe 4 raste të reja. Burime për Dosja.al bëjnë me dije se 1 prej tyre jeton në lagjen Kiras, dy të tjerë në Livadhe dhe një tek Stacioni i Trenit. Nuk dihet ende nëse këta persona janë vatra të reja infeksioni dhe se kush mund t’i ketë infektuar.

  • 11:02

    Kurba e COVID-19 vijon rënien, sot vetëm 7 raste të reja me koronavirus, Tirana nuk njeh ‘pushim’

    Tjetër lajm i mirë nga situata e koronavirusit në vend. Ministria e Shëndetësisë ka përditësuar shifrat e të prekurve nga pandemia, duke deklaruar se sot në vend janë shënuar vetëm 7 raste të reja, duke e çuar totalin në 416. Ndërkohë 17 persona janë shënuar 24 orët e fundit, duke e çuar në 182 numrin total të personave që kanë fituar betejën me covid-19. Në 24 orët e fundit janë testuar 162 persona të dyshuar, prej të cilëve janë konfirmuar 7 raste, 3 në Tiranë dhe 4 të tjerë në Shkodër. Dje të infektuar kishte në Elbasan, ndërsa sot harta është zgjedhurar në Shkodër. Sa i përket Tiranës, kryeqyteti ka rritje konstante të rasteve. Deri më tani betejën me koronavirusin e kanë humbur 23 qytetarë. Në spitalin Infektiv, aktualisht janë 50 të shtruar, 6 prej tyre janë në terapi intensive, dhe vetëm 1 prej tyre është i intubuar. Tek “Shefqet Ndroqi”, janë 6 pacientë të shtruar gjithsej, 4 prej të cilëve kanë intubuar. Në fund të deklaratës, MSH ka përsëritur edhe njëherë se masat e vendosura duhet të vijojnë që të respektohen për të parandaluar përhapjen e COVID-19.

    Njoftimi i plotë:

    Në vijim të komunikimit të përditshëm, Ju bëjmë me dije se vazhdon puna në terren për identifikimin e rasteve të reja dhe gjurmimin e kontakteve të rasteve, të konfirmuara pozitive. Në 24 orët e fundit janë testuar 162 persona të dyshuar, prej të cilëve janë konfirmuar 7 raste të reja me COVID-19. Deri në këto momente janë testuar 3385 raste të dyshuara dhe prej tyre janë të konfirmuar pozitivë me COVID-19, 416 raste. Duke ndjekur ecurinë e këtij infeksioni, në grafikun e shpërndarjes së rasteve të dyshuara dhe të konfirmuara me SARS-COV2 sipas ditëve, vihet re një trend i qëndrueshëm i rasteve të konfirmuara. Betejën me këtë sëmundje e kanë humbur deri tani 23 qytetarë, megjithë përpjekjet e jashtëzakonshme të personelit shëndetësor. Gjatë 24 orëve të fundit, 17 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 182. Ju informojmë se, në shërbimin infektiv aktualisht janë 50 të shtruar. 6 prej tyre janë në terapi intensive, dhe 1 pacient është i intubuar. Në spitalin COVID 2 “Shefqet Ndroqi”, janë 6 pacientë të shtruar gjithsej, ndërsa 4 pacientë janë të intubuar. Në dy spitalet COVID aktualisht po marrin shërbim 56 pacientë. Harta e të prekurve nga COVID-19 zgjerohet në Tiranë me 3 raste, Shkodër 4 raste. Shpërndarja gjeografike e rasteve pozitive, është si vijon:

    – Tiranë 199 raste
    – Durrës 38 raste
    – Lushnje 5 raste
    – Elbasan 15 raste
    – Fier 32 raste
    – Kavajë 8 raste
    – Rrogozhinë 4 raste
    – Korçë 17 raste
    – Vlorë 5 raste
    – Shkodër 49 raste
    – Lezhë 14 raste
    – Berat 2 rast
    – Has 12 raste
    – Krujë 5 raste
    -Tropojë 4 raste
    – Pukë 4 raste
    – Mirditë 3 raste

    Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Është e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye, për të parandaluar transmetimin e COVID-19. Nëse keni shenja të sëmundjes COVID19 telefononi numrin e urgjencës 127. Për çdo pyetje apo informacion rreth COVID19 telefononi në linjën e gjelbër 0800 40 40.

  • 9:54

    Detaje nga infektimi i 45-vjeçarit në Elbasan/ Motra infermiere e trajtonte në spital edhe pse kishte simptoma të COVID-19

    Foto ilustruese

    Detaje të reja kanë dalë për 45-vjeçarin, pronari i lokalit në Elbasan, i cili rezulton i infektuar me COVID-19.  Abc news.al raporton se motra infermiere e pronarit të Elbasanit e trajtonte këtë të fundit në spital, edhe pse ai kishte simptoma të COVID-19.

    Mësohet se 46 vjeçari gjatë kohës që ka qenë i infektuar (të cilit nuk i ishin bërë analizat), ka qenë në repartin e imazherisë në spitalin e Elbasanit, ku ka bërë një skaner. Këto ekzaminime janë kryer pasi 46-vjeçari kishte simptoma të Covid, si marrje fryme, temperaturë dhe kollë të thatë.

    Më pas, këto simptoma kanë detyruar motrën e 46-vjeçarit ta dërgojë vëllanë sërish në spital, ku aty u diagnostikua me COVID-19. Madje transporti drejt spitalit është bërë me mjet privat. Ky veprim  i infermierës ka bërë që të futen në karantinë 2 persona nga stafi mjekësor i këtij spitali, të cilët i shërbyen 45-vjeçarit.

    Pak ditë më parë u raportua se infektuar me COVID-19 është edhe gruaja e 45-vjeçarit. Po kështu, institucionet e Shëndetit Publik kanë marrë 70 tamponë të personave që kanë frekuentuar këtë restorant.

  • 7:14

    Shkon në 182 numri i personave që fituan betejën me COVID-19/ Rama: Lajm i mirë,17 të shëruar!

    Edi Rama

    Kryeministri Edi Rama ka njoftuar së fundmi se edhe 17 pacientë të tjerë kanë fituar betejën me COVID-19. “Lajm i mirë, 17 të shëruar sot”, shkruan Rama në një postim në Facebook.  Ndërkohë,  numri i personave që janë shëruar ka shkuar në 182.

Shto Koment