Aktualitet

Çfarë presim pas shembjes së Teatrit? Kryemadhi: Do kemi pasoja të mëdha, Serbia i është kthyer planit për tjetërsimin e tokave shqiptare

Sipas Kryemadhit, prishja objekteve kulturore në vend do të këtë pasojë më vonë për identitetin e kombit tonë.
Featured image of article: Çfarë presim pas shembjes së Teatrit? Kryemadhi: Do kemi pasoja të mëdha, Serbia i është kthyer planit për tjetërsimin e tokave shqiptare Monika Kryemadhi

TIRANË– Kryetarja e LSI-së, Monika Kryemadhi, e ftuar në emisionin “Byro Politike” ka folur për prishjen e godinës së Teatrit Kombëtar disa ditë më parë.

Sipas Kryemadhit, prishja objekteve kulturore në vend do të këtë pasojë më vonë për identitetin e kombit tonë. Ajo dha edhe një shembull sesi shqiptarët e Plavës detyrohet që të lindin fëmijët e tyre në Nish për t’i regjistruar si serbë.

PJESË NGA INTERVISTA:

Kryemadhi: Mungesa dhe dëmtimi i trashëgimisë kulturore do të ketë pasoja të mëdha më vonë, qoftë edhe për identitetin kombëtar tonin, qoftë për qëndresën, apo qoftë edhe të ardhmen e Ballkanit. Sepse të mos harrojmë që jo rastësisht po ndodhin shumë gjëra në trojet shqiptare. Jo rastësisht kemi një çekulibrim të jetës politike në Kosovë.

Pyetje: Këto janë teori konspiracioni?

Për më shumë bëhu pjesë e grupit më viral në Facebook, Dosja.al

Kryemadhi: Jo nuk janë teori konspiracioni, se mjafton t’i shikosh. Para dy ditësh ka pasur një letër të të gjithë shoqatave në Amerikë, që kurrë nuk kanë shkuar mirë me njëra tjetrën, por që e kanë fimosur të gjitha, që ja kanë drejtuar institucioneve të Shteteve të Bashkuara të Amerikës. Duhet ta lexoni se çfarë po ndodh. Dhe jo rastësisht kemi shqiptarët në jugun e Serbisë, të cilët kanë probleme shumë të mëdha me të drejtat e njeriut, njohjen e diplomave, shkollave dhe punësimin e tyre në administratë shtetërore, nëpër spitale. Pra a e mendoni që një nënë shqiptare që duhet të lindi fëmijën e saj në Plavë, nuk duhet të lindë në shtëpinë e saj, por duhet ta çojë në Nish, që të thonë që nuk është shqiptare. Pra jo pa qëllim janë disa lëvizje, të cilat kanë filluar duke cenuar kufinjtë e Shqipërisë, pra eshtrat e Isa Boletinit duhet të shkojnë dhe të rrinë në tokë serbe, se shkon ky i joni me harta, se ky është mjeshtri i vizatimit, e hap krahun këtej sikur po luan lojën që kemi pas luajtur njëherë e një kohë “botash” me shkop, që i merrnim tokat njëri tjetrit. Kjo është filozofia që mua po më shqetëson jashtëzakonisht shumë. Jo rastësisht janë larguar mbi 600 mijë të rinj e të reja në 6 vitet e fundit, pra forca më energjike. Jo rastësisht ke një dëmtim dhe rrënim të ekonomisë shqiptare, që nuk jep asnjë lloj garancie për të ardhmen. Jo rastësisht ke një dëmtim të sistemit arsimor deri edhe në tjetërsim të historisë shqiptare. Pra çfarë ndodh? Apo mos i është kthyer Serbia planit të saj, me qarqet antishqiptare serbe, plan i viteve 1850 për tjetërsimin e Shqipërisë në toka sllave?

Pyetje: Pse duhet ta mbështesi zoti Rama këtë dhe pse do i interesonte? Dhe e dyta në vitet që jetojmë kush e lejon një gjë të tillë?

Kryemadhi: Ju duhet të kuptoni një gjë, që në kushtet në të cilat ne jemi, një kryeministër i tillë, i cili i bën presion kryeministrit të Kosovës në sy të presidentit të Serbisë. Besoj të gjithë e mbani mend videon që u bë virale në rrjetet sociale, ku kryeministri shqiptar ushtronte presion po themi, ose bëhej pjesë e teatrit. Të gjithë e mbani mend, mjafton ta shikoni videon sesi quante tradhëtar Hashim Thaçin, Ramush Haradinajn, serb a spiun e quante Albin Kurtin. Pra kryeministri shqiptar që thotë për liderat politik kosovar. Dhe jo rastësisht, ajo që mua përsëri më bën përshtypje është që ky zotëria ka tjetërsuar totalisht identitetin. Pra Butrintin do ta mbushë me dyqane me qofte, e mbani mend sherrin që është bërë në Komisionin e Arsimit dhe Kulturës. Nuk janë të rastësishme këto.

(k.m/dosja.al)

Një Koment në “Çfarë presim pas shembjes së Teatrit? Kryemadhi: Do kemi pasoja të mëdha, Serbia i është kthyer planit për tjetërsimin e tokave shqiptare

  1. Oj Idiote para se te flasish per te tjeret shiqo veten ne pasqyr Shqiperija nuk ka patur kur qeveritare si Shqiptare te vertete,njera Parti e shet Detin ,tjetra e shet Jugun ,kurse tjetra e shet Veriun ,pra edhe Villa jote me 11 Banjo dote behet Serbe ,kjo ndodh per shkak se ju qeveritaret nuk keni dashuri ndaj popullit dhe vendit te kombit kur ju te gjith jeni te koruptuar,hajdute dhe per ate ju hik populli ,Ju jeni te gjith tradhtaret e kombit,ja une p,sh nuk jap asnji euro qe ta vizitoj Shqiperine dhe ky esht shkaku derisa ne qeveri nuk ka Shqipetare tr vertete kjo dote ndodhe.

Shto Koment