Politike

Çfarë po ndodh në selinë blu? Basha takim me aleatët, çfarë po diskutohet disa orë para takimit me Metën

  • Borchardt humb durimin para gazetarëve pasi u shpall non-grata: OSBE-ja, organizatë legjitime në Shqipëri
  • Basha po zhvillon një takim me aleatët e djathtë në selinë e PD.
    Featured image of article: Çfarë po ndodh në selinë blu? Basha takim me aleatët, çfarë po diskutohet disa orë para takimit me Metën Selia e PD

    TIRANË- Kreu i PD Lulzim Basha po zhvillon një takim me aleatët e djathtë në selinë e PD.

    Në këtë takim ishte i pranishëm ambasadori i OSBE-së Bernd Borchardt, si dhe përfaqësues të OSBE-së, Sekretari i përgjithshëm i asamblesë parlamnetare të OSBE, Roberto Montella, ekspertë të çështjeve zgjedhore si dhe krerët e partive opozitare në koalicion me Partinë demokratike.

    Partia Demokratike ka nxjerrë edhe një projekt-rezolutë, për të zbardhur se nga vijnë paratë me anë të së cilave financohen partitë.

    Partia Demokratike dhe opozita e bashkuar ka zhvilluar një projekt-rezolutë të tillë, pasi ka akuzuar shpesh herë maxhorancën e vendit se financohet nga para të pista e të krimit të organizuar.

    Theksojmë se partitë opozitare jashtë-parlamentare, nesër në mëngjes do të zhvillojnë një takim me presidentin Ilir Meta, me ftesë të këtij të fundit në institucionin e Presidencës.

    Ditën e sotme, presidenca njoftoi se presidenti Ilir Meta ka shpallur si të padëshiruar ambasadorin e OSBE në Tiranë, Berndt Borchard pasi sipas Metës fakti qe Borchardt vuri në diskutim Dekretin e Presidentit për zgjedhjet vendore në Shqipëri në qershor 2019 dhe që i tregoi publikisht gishtin e mesit qytetareve shqiptare, teksa protestonin lirimin e protestuesve të Unazës së Re, e bëjnë atë të padëshirueshem.

    Vetë ambasadori në një reagim më të hershëm është shprehur se atë natë protestues ishin vetëm burra dhe se e kishin terrorizuar.

    (a.m/dosja.al)

    Shto Koment