ITALI- Humbja me Bolognën natyrisht që ka prishur humorin e Jose Mourinhos. Pas disfatës 1-0, tekniku portugez u shfaq i tërbuar dhe sipas Corriere dello Sport, u përball me arbitrin Pairetto në tunel dhe kërkoi sqarime për vendimet e marra gjatë duelit të humbur nga Roma.
Arbitri ndëshkoi me kartonë të verdhë Abraham dhe Karsdorp, të cilët humbën ndeshjen e fundjavës me Interin. E meqë jemi tek ndeshja ndaj zikaltërve, kjo do të jetë e para për Mourinhon si kundërshtar dhe në këtë mënyrë ka vendosur të mos marrë pjesë në konferencë.
Nuk dihet nëse është ndonjë pjesë emocionale, apo shenjë proteste ndaj “xhaketave të zeza”, megjithatë kjo mbetet për t’u parë.
E.Ç (Dosja.al)
