Politike

Çështja me detin me Greqinë, Basha: Dështim i politikës së jashtme të Ramës

Lulzim Basha e konsideroi si dështimin më të madh të kryeministrit Edi Rama në fushën e politikës së jashtme, ndërsa shtoi se Partia Demokratike i ka drejtuar disa pyetje por nuk ka marrë ende asnjë përgjigje. 
Featured image of article: Çështja me detin me Greqinë, Basha: Dështim i politikës së jashtme të Ramës Lulzim Basha

TIRANË– Kryedemokrati Lulzim Basha ka folur lidhur me çështjen e kufirit detar me Greqinë. I ftuar në emisionin “Çim Peka Live”, Basha e konsideroi si dështimin më të madh të kryeministrit Edi Rama në fushën e politikës së jashtme, ndërsa shtoi se Partia Demokratike i ka drejtuar disa pyetje por nuk ka marrë ende asnjë përgjigje.

Gjithashtu numri një i PD-së u shpreh Partia Demokratike i qëndron vendimit të marrë nga Gjykata Kushtetuese në vitin 2009.

PJESË NGA EMISIONI:

Lulzim Basha: Marrëveshja e 2009 ka rënë dhe Partia Demokratike i qendron vendimit të Gjykatës Kushtetuese. Këtë e kam bërë të ditur edhe gjatë takimit me ministrin e jashtëm grek kur ai ishte në Tiranë. Në atë kohë nuk ishte shpallur distance prej 12 miljesh ishim akoma në kushtet e distancës prej 6 miljeve, Partia Demokratike i përmbahet pikpamjes që gjatë kohës së vazhdimi të negociatave nuk mund të ketë një ndryshim të njëanshëm nag njëra palë të kushteve të negociatave. Sigurisht këtu përgjëegjësia kryesore këtu është e Edi Ramës, ky është dështimi dhe mashtrimi i radhës në fushën diplomatike. A nuk ishte ky që na tha para disa vitesh që ishte afër një marrëveshje me Greqinë. Ju të gjihtë e dini, shqiptarët e mbajnë mend takimet e shumta që bënin me ministrat e jashtëm me kryeministrat sa në Tiranë sa në Korcë, sa në Athinë a kudo tjetër, jemi afër marrëveshjes, jemi afër marrëveshjes. Çfarë ndodhi? Çfarë ndodhi, nga jemi afër marrëveshjes tek ndryshimi kushteve tashmë me shpalljen e Greqisë të 12 miljeve.

Për më shumë bëhu pjesë e grupit më viral në Facebook, Dosja.al

Çim Peka: Edhe mirkuptimi i ndryshimit të kushteve…

Lulzim Basha: Prandaj për këtë arsye i kemi drejtuar këto pyetje qeverisë të cilat kanë rënë në vesh të shurdhër. Ky edhe një herë po e përsëris është mashtrimi dhe dështimi i radhës në rrafshin diploamtik pas dështimit katastrofik dhe gënjeshtrave për hapjen e negociatave.

(k.m/dosja.al)

Shto Koment