Politike

Bylykbashi pas mbledhjes së Këshillit Politik: Propozimet tona janë të rëndësishme, maxhoranca kërkon të kapë gjyqësorin (VD)

Pas takimit me maxhorancën, Bylykbashi tha se propozimet e PD janë themelore dhe nuk do lejojnë që zgjedhjet të zhvillohen pa gjykata të pavarura, ku qytetarët nuk kanë mundësi të ankimojnë.
Featured image of article: Bylykbashi pas mbledhjes së Këshillit Politik: Propozimet tona janë të rëndësishme, maxhoranca kërkon të kapë gjyqësorin (VD)

TIRANË- Ish-deputeti i Partisë Demokatike, Oerd Bylykbashi, që është pjesë e Këshillit Politik, ka dhënë një deklaratë për mediat. Pas takimit me maxhorancën, Bylykbashi tha se propozimet e PD janë themelore dhe nuk do lejojnë që zgjedhjet të zhvillohen pa gjykata të pavarura, ku qytetarët nuk kanë mundësi të ankimojnë.

Propozimi i sotëm ishte shumë i rëndësishëm që ankimimi të bëhej në një gjykatë të pavarur dhe të paanshme. Ky ka qenë një shqëtësim i OSBE-së, ku thuhej se gjyatarët ishin nën presionin e Vettingut. Ky është një rekomnadim prioritar, dhe pa një gjykatë të pavarur procesi zgjedhor nuk mund të jetë i skatë. Pati një reagim të fortë nga maxhoranca për të vijuar me mekanizmat për kapjen e gjyqësorit”, u shpreh Bylykbashi.

Për më shumë bëhu pjesë e grupit më viral në Facebook, Dosja.al

Këshilli Politik ka zhvilluar sot mbledhjen e radhës, ku janë diskutuar disa nga propozimet e Partisë Demokratike. PD ka propozuar sot një moratorium për gjyqtarët e Kolegjit Zgjedhor që ata të mos jenë në presion të Vetting-ut gjatë zgjedhjeve dhe vendimet e tyre të mos jenë të ndikuara nga askush.

TRYEZA E ZGJEDHORES

Më 14 janar opozita dhe maxhoranca arritën në një konsensus për Reformën Zgjedhore. Palët kanë rënë dakord që reforma të bëhet me konsensus dhe të ‘nxirret’ nga Kuvendi, për të marrë pjesë dhe opozita jashtëparlamentare. Tryeza e parë e palëve për Reformën Zgjedhore themeloi dhe Këshillin Politik, që përbëhet nga Damian Gjiknuri, Rudina Hajdari, Oerd Bylykbashi dhe Petrit Vasili. 4 anëtarët e Këshillit Politik janë mbledhur disa herë, ku kanë miratuar dhe një kalendar për punën e tyre që do zgjasë deri më 15 mars, ditë kur duhet votuar dhe Reforma Zgjedhore. Këshilli Politik, bashkë me ekspertët brenda dhe jashtë partive si dhe me ndihmën e OSBE-ODIHR do të diskutojnë dhe do gjejnë zgjidhje për 13 tema, përfshirë këtu edhe dekriminalizimin dhe burimet e financimit, por dhe sistemin zgjedhor.

(A.B. Dosja.al)

Shto Koment